പുതുപ്പള്ളി രാഘവൻ പുരസ്കാരം ഗോപിനാഥ് മുതുകാടിന്

സ്വാതന്ത്ര്യസമരസേനാനി, പത്രപ്രവർത്തകൻ, ചരിത്രകാരൻ, കമ്മ്യൂണിസ്റ്റ് വിപ്ലവകാരി തുടങ്ങി വിവിധ രംഗങ്ങളിൽ വ്യക്തിമുദ്ര പതിപ്പിച്ച പുതുപ്പള്ളി രാഘവന്റെ സ്മരണയ്ക്കായി ഫാമിലി ട്രസ്റ്റ് ഏർപ്പെടുത്തിയ 2022ലെ പുരസ്കാരം ഗോപിനാഥ് മുതുകാടിന് നല്‍കും. രാഷ്ട്രീയ‑സാംസ്കാരിക മണ്ഡലങ്ങളിൽ സ്തുത്യർഹമായി പ്രവർത്തിക്കുന്നവർക്ക് 2011 മുതൽ ഈ അവാർഡ് നൽകിവരുന്നു.

24 ന്യൂസ് ചാനൽ മേധാവി ആർ ശ്രീകണ്ഠൻ നായർ, മുതിർന്ന മാധ്യമ പ്രവർത്തക ഗീതാ നസീർ, ട്രസ്റ്റ് അംഗങ്ങളായ ഷീലാ രാഹുലൻ, ശോഭാ സതീശൻ, ഷാജി ശർമ്മ എന്നിവരടങ്ങിയ ജൂറിയാണ് ഗോപിനാഥ് മുതുകാടിനെ പുരസ്കാരത്തിന് തിരഞ്ഞെടുത്തത്.

ശാസ്ത്ര‑സാമൂഹ്യ പ്രതിബദ്ധതയും ഭിന്നശേഷി കുട്ടികൾക്ക് വേണ്ടി നടത്തുന്ന നിസ്വാർത്ഥ പ്രവർത്തനങ്ങളുമാണ് ഈ അവാർഡിന് മുതുകാടിനെ അർഹനാക്കിയത്. 25,000 രൂപയും ശില്പവും അടങ്ങുന്ന അവാർഡ് പുതുപ്പള്ളി രാഘവന്റെ ഇരുപത്തിരണ്ടാം ചരമദിനമായ 27 ന് രാവിലെ 11 ന് യുവകലാസാഹിതി സംസ്ഥാന പ്രസിഡന്റ് ആലങ്കോട് ലീലാകൃഷ്ണൻ കായംകുളം പുതുപ്പള്ളിയിലുള്ള പുതുപ്പള്ളി രാഘവൻ സ്മൃതിമണ്ഡപത്തിൽ വെച്ച് ഗോപിനാഥ് മുതുകാടിന് സമ്മാനിക്കും.

Eng­lish summary;Puthuppally Ragha­van Award for Gopinath Muthukadu

You may also like this video;