Web Desk

April 05, 2020, 8:37 pm

അഞ്ച് മിനിറ്റിനകം കോവിഡ് ടെസ്റ്റ് റിസള്‍ട്ട് അറിയാം; റാപ്പിഡ് ടെസ്റ്റിങ് കിറ്റ് നിര്‍മിച്ച് തിരുവനന്തപുരം ആര്‍ജിസിബി

Janayugom Online

കൊറോണ വൈറസ് കേസുകൾ വ്യാപിക്കുന്ന സാഹചര്യത്തിൽ സംസ്ഥാനത്ത് സാമൂഹ്യ വ്യാപനം തടയാനായി പരിശോധന ഫലങ്ങൾ വേഗത്തിലാക്കുന്നതിന് വേണ്ടി റാപ്പിഡ് ടെസ്റ്റിന് അനുമതി ലഭിച്ചിരുന്നു. എന്നാല്‍ അഞ്ച് മിനിറ്റിനകം വൈറസ് സാന്നിധ്യം കണ്ടെത്തുന്ന റാപ്പിഡ് ടെസ്റ്റിങ് കിറ്റ് നിര്‍മിച്ചിരിക്കുകയാണ് തിരുവനന്തപുരം രാജീവ് ഗാന്ധി സെന്റര്‍ ഫോര്‍ ബയോടെക്നോളജി. ഐസിഎംആര്‍ അനുമതി കിട്ടിയാല്‍ പരിശോധന തുടങ്ങും. രക്ത പരിശോധനയിലൂടെ അഞ്ചു മിനിറ്റിനുളളില്‍ വൈറസ് സാന്നിധ്യം കണ്ടെത്തുന്ന റാപ്പിഡ് ടെസ്റ്റിങ് കിറ്റാണ് ആര്‍ജിസിബിറ്റി നിര്‍മിച്ചത്. ഒരു ദിവസം മൂവായിരത്തിലേറെ സാംപിളുകള്‍ ഇതിലൂടെ പരിശോധിക്കാനാകും. ഇതിനോടകം അറുന്നൂറോളം സാമ്പിളുകള്‍ പരിശോധിച്ചു കഴിഞ്ഞു. 350 രൂപയ്ക്ക് താഴെ ലഭ്യമാക്കാനാകും എന്നാണ് പ്രതീക്ഷ.

എന്താണ് റാപിഡ് ടെസ്റ്റുകൾ:
ഏറ്റവും പുതിയായതായി കോവിഡ് 19 രോഗ നിർണ്ണയത്തിനായി അനുമതി നൽകിയിട്ടുള്ള മാർഗമാണ് റാപിഡ് ടെസ്റ്റുകൾ. കോവിഡ് 19 ന് ഇതുവരെ ചെയ്തുവന്നിരുന്ന pcr ടെസ്റ്റുകൾ വൈറസിന്റെ സാനിധ്യം കണ്ടെത്തുകയാണ് ചെയ്തിരുന്നത്. എന്നാൽ, റാപിഡ് ടെസ്റ്റുകൾ ശരീരം വൈറസിന് എതിരെ ഉത്പാദിപ്പിക്കുന്ന ആന്റിബോഡികളെ കണ്ടെത്തുകയാണ് ചെയുന്നത്. ELSA ടെസ്റ്റുകളാണ് ആന്റിബോഡി നിർണ്ണയ ടെസ്റ്റുകളിൽ ഏറ്റവും അംഗീകൃതമായിട്ടുള്ളത്. റാപിഡ് ടെസ്റ്റുകൾ ഇവയെക്കാൾ വേഗത്തിലും സാങ്കേതിക വൈദഗ്ധ്യം ഇല്ലാത്തവർക്കു പോലും കൈകാര്യം ചെയ്യാൻ സാധിക്കുന്നതാണ്. മറ്റ് ഉപകരണങ്ങളുടെ സഹായമില്ലാതെ 10 മിനിറ്റ് മുതല്‍ 30 മിനിറ്റിനുള്ളില്‍ വളരെ വേഗത്തില്‍ ഫലമറിയാന്‍ കഴിയും.അതേസമയം ചെലവ് വളരെ കുറവെന്ന പ്രത്യേകതയുമുണ്ട്.

എന്താണ് കൊവിഡ് 19 ടെസ്റ്റ്?

നിലവിൽ പിസിആർ (പോളിമെർ ചെയിൻ റിയാക്ഷൻ) ടെസ്റ്റ് വഴിയാണ് ഇന്ത്യയിൽ എല്ലാ രോഗികളിലും വൈറസ് ബാധയുണ്ടോ എന്ന് തിരിച്ചറിയുന്നത്. രണ്ട് തരം പരിശോധനകളിലൂടെയാണ് കോവിഡ് 19 സ്ഥിരീകരിക്കുന്നത്. ഇ‑ജീൻ പരിശോധനകൾക്കായുള്ള റിയൽടൈം റിവേഴ്സ് ട്രാൻസ്‌ക്രിപ്റ്റേഴ്സ് പിസിആർ എന്ന മോളിക്കുളാർ പരിശോധനയാണ് ആദ്യം നടത്തുന്നത്. കൊവിഡ് 19 സ്ഥിരീകരിക്കുന്നതിനുള്ള ആർഡിആർപി, ഒആർഎഫ്. 1 ബി. ജീനുകൾ കണ്ടെത്താനുള്ള പരിശോധനയാണ് രണ്ടാമത്തേത്.

റാപിഡ് ടെസ്റ്റും കോവിഡ് ടെസ്റ്റും തമ്മിലുള്ള വ്യത്യാസം;

ശരീരത്തില്‍ എന്തെങ്കിലും വൈറസ് ബാധ ഉണ്ടോയെന്നറിയാനാണ് റാപ്പിഡ് ടെസ്റ്റ് നടത്തുന്നത്. അതേസമയം കൂടുതല്‍ കൃത്യമായ വിവരങ്ങള്‍ ലഭിക്കുന്നതിനാലാണ് കോവിഡ് 19 തിരിച്ചറിയുന്നതിന് പിസിആര്‍ ടെസ്റ്റ് നടത്തുന്നത്. പിസിആര്‍ ടെസ്റ്റിന് സമയവും ചെലവും കൂടുതലാണ്. എന്നാല്‍ സാമൂഹ്യ വ്യാപനം പെട്ടെന്ന് തിരിച്ചറിയേണ്ടതിനാലാണ് വൈറസ് വ്യാപനം കണ്ടെത്താന്‍ റാപ്പിഡ് ടെസ്റ്റ് നടത്തുന്നത്.

എങ്ങനെയാണ് റാപിഡ് ടെസ്റ്റുകൾ ചെയ്യുന്നത്?

രക്ത പരിശോധനയിലൂടെയാണ് റാപ്പിഡ് ടെസ്റ്റ് നടത്തുന്നത്. വൈറസ്സിന്റെ ഘടകങ്ങളായ ചില പ്രോട്ടീനുകളെ ഒരു കാര്‍ഡിനു മുകളില്‍ വരകളായി പറ്റിപ്പിടിപ്പിക്കുകയും രക്തത്തില്‍ ആന്റിബോഡികള്‍ ഉണ്ടോ എന്ന് ഇതുപയോഗിച്ചു് കണ്ടെത്തുകയുമാണു് രീതി.വൈറസ് മനുഷ്യ ശരീരത്തില്‍ പ്രവേശിച്ചാല്‍ ദിവസങ്ങള്‍ക്കകം ശരീരം ആന്റിബോഡികള്‍ നിര്‍മിച്ച് തുടങ്ങും. . മറ്റ് ഉപകരണങ്ങളുടെ സഹായമില്ലാതെ 10 മിനിറ്റ് മുതല്‍ 30 മിനിറ്റിനുള്ളില്‍ വളരെ വേഗത്തില്‍ ഫലമറിയാന്‍ കഴിയും. ഗുണമേന്മയുള്ള പരിശോധനാ കിറ്റുകള്‍ ഉയോഗിച്ചാല്‍ വളരെയധികം ആളുകളുടെ പരിശോധനകള്‍ വേഗത്തിലാക്കി രോഗവ്യാപനം വളരെ പെട്ടെന്ന് അറിയാന്‍ കഴിയും. അതേസമയം ചെലവ് വളരെ കുറവെന്ന പ്രത്യേകതയുമുണ്ട്.

ആര്‍ക്കൊക്കെ ടെസ്റ്റ് നടത്താം?

ഐ.സി.എം.ആറിന്റെ അനുമതിയുള്ള സര്‍ക്കാര്‍, സ്വകാര്യ ലാബുകള്‍ക്ക് മാത്രമേ റാപ്പിഡ് ടെസ്റ്റ് നടത്താന്‍ അനുമതിയുള്ളൂ. ഡോക്ടറുടെ കുറിപ്പടിയോടെ മാത്രമേ റാപ്പിഡ് ടെസ്റ്റ് നടത്താന്‍ പാടുള്ളൂ.

1. NABL അക്രഡിറ്റേഷന്‍ ഉള്ള ലാബ് ആയിരിക്കണം

2. കോവിഡ്-19 ടെസ്റ്റുകള്‍ക്ക് ICMR അംഗീകരിച്ചവയായിരിക്കണം

3. ഈ ടെറ്റ്‌സുകള്‍ ചെയ്യാനായി അതിനു വേണ്ടി രൂപീകരിച്ച് പോര്‍ട്ടലില്‍ റജിസ്റ്റര്‍ ചെയ്തിരിക്കണം

4. അമേരിക്കയിലെ FDA യോ ICMR ഓ അംഗീകരിച്ച ടെസ്റ്റ് കിറ്റുകള്‍ മാത്രമേ ഉപയോഗിക്കാവൂ

ടെസ്റ്റ് ചെയ്യേണ്ടയത് ആരിലെല്ലാം?

വിദേശരാജ്യങ്ങളില്‍ നിന്ന് തിരിച്ചെത്തിയവര്‍, അവരുമായി അടുത്ത സമ്പര്‍ക്കം പുലര്‍ത്തിയവര്‍, കോവിഡ് രോഗം ഉണ്ടെന്ന് ഡോക്ടര്‍മാര്‍ സംശയിക്കുന്നവര്‍, കോവിഡ് രോഗികളെ പരിചരിക്കുന്നവരും അവരുമായി ഇടപഴകുന്നതുമായ ആരോഗ്യപ്രവര്‍ത്തകര്‍, സാധാരണയില്‍ കവിഞ്ഞ് ഗുരുതര ശ്വാസകോശ രോഗങ്ങള്‍ റിപ്പോര്‍ട്ട് ചെയ്യപ്പെട്ട പ്രദേശത്തെ ജനങ്ങള്‍, ഗുരുതര ശ്വാസകോശ രോഗങ്ങളില്‍ നിന്ന് രോഗമുക്തി നേടിയവര്‍ എന്നിവര്‍ മാത്രമേ ടെസ്റ്റിന് വിധേയമാക്കേണ്ടതുള്ളു.

നിലവില്‍ നിരീക്ഷണത്തിലുള്ളവരിലും അവരുമായി ബന്ധപ്പെട്ടവരും തുടങ്ങിയ എല്ലാവരിലും അതിവേഗം പരിശോധന നടത്തി ഫലമറിയാന്‍ റാപ്പിഡ് ടെസ്റ്റ് സഹായിക്കും. ഈ ടെസ്റ്റിലൂടെ പോസിറ്റീവുള്ളവരെ നിരീക്ഷണത്തിലാക്കാനും അവരില്‍ ആവശ്യമുള്ളവര്‍ക്ക് വിദഗ്ധ പരിശോധനയും ചികിത്സയും നല്‍കാനും സഹായിക്കും. അതിലൂടെ സമൂഹ വ്യാപനം പെട്ടെന്ന് തടയാനാകും.

Eng­lish Sum­ma­ry: Rajeev Gand­hi cen­tre for biotech­nol­o­gy devel­oped covid rapid test kit

you may also like this video;