സര്‍ക്കാര്‍ ചുമത്തുന്ന കള്ളക്കേസുകളെ ഭയന്ന് കാർഷിക കരിനിയമങ്ങൾക്കെതിരെ നടത്തുന്ന സമരത്തില്‍ നിന്ന് കര്‍ഷകര്‍ പിന്തിരിയില്ലെന്ന് ഭാരതീയ കിസാന്‍ യൂണിയന്‍ നേതാവ് രാകേഷ് ടികായത്. രാഷ്ട്രീയ മേലാളന്മാരെ പ്രീതിപ്പെടുത്താനായി ഹരിയാന സര്‍ക്കാര്‍ സമരം ചെയ്യുന്ന കര്‍ഷകര്‍ക്കെതിരെ കള്ളക്കേസുകള്‍ ചുമത്തുകയാണെന്ന് ടികായത് ആരോപിച്ചു. കോര്‍പ്പറേറ്റ് അനുകൂല കേന്ദ്ര സര്‍ക്കാരിനെതിരെ വലിയ യുദ്ധമാണ് കര്‍ഷകര്‍ നടത്തുന്നതെന്നും കള്ളക്കേസുകളുണ്ടായാലും സമരം ശക്തമായി തുടരുമെന്നും അദ്ദേഹം പറഞ്ഞു.
കേന്ദ്ര സര്‍ക്കാര്‍ ആരുടെയും അഭിപ്രായം കേള്‍ക്കാന്‍ തയാറാകുന്നില്ലെന്നും അനീതിക്കെതിരെ അഭിപ്രായം പറയുന്നവരെ രാജ്യദ്രോഹികളെന്ന് മുദ്രകുത്തുന്നുവെന്നും ടികായത് പറഞ്ഞു. ജൂലൈ 15ന് ഹരിയാനയില്‍ കര്‍ഷകനേതാക്കളുള്‍പ്പെടെ നൂറിലധികം പേര്‍ക്കെതിരെ രാജ്യദ്രോഹവും കൊലപാതകശ്രമവുമുള്‍പ്പെടെയുള്ള വകുപ്പുകള്‍ ചുമത്തി കേസെടുത്തിരുന്നു.
English summary: Rakesh tikait on Farmers protest
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.