രാമക്കൽമേട് വിനോദ സഞ്ചാര കേന്ദ്രത്തിനോട് ചേർന്ന് തീപിടിത്തം. വിനോദ സഞ്ചാര കേന്ദ്രമായ രാമക്കൽമേട് കുറവൻ കുറത്തി ശിൽപത്തിന് സമീപമാണ് കാട്ടുതീ പടർന്ന് പിടിച്ചത്. ഇന്നലെ ഉച്ചയോടെ തമിഴ്നാട് വനമേഖലയിലുണ്ടായ കാട്ടുതീയാണ് രാമക്കൽമേട് മല നിരകളിലേക്ക് വ്യാപിച്ചത് രാമക്കൽമേടിൽ ഇരുന്നൂറിലധികം വിനോദ സഞ്ചാരികൾതീപിടുത്തമുണ്ടായ .സമയത്ത് വിനോദ സഞ്ചാര കേന്ദത്തിൽ ഉണ്ടായിരുന്നു. ശിൽപത്തിന് 200 മീറ്റർ അടുത്തുവരെ എത്തിയ കാട്ടുതീ നാട്ടുകാരും നെടുങ്കണ്ടം ഫയർഫോഴ്സും ചേർന്ന് നിയന്ത്രണ വിധേയമാക്കി. ഡിടിപിസിയും ഫയർഫോഴ്സും ചേർന്ന് സഞ്ചാരികളെ നിയന്ത്രിച്ചതിനെ തുടർന്ന് വൻ അപകടമൊഴിവായി. മേഖലയൊന്നാകെ പുകപടലം വ്യാപിച്ചതും സഞ്ചാരികൾക്ക് അസ്വസ്ഥതയുണ്ടാക്കി. തീവ്രപരിശ്രമം നടത്തിയാണ് തീപിടുത്തം നിയന്ത്രണ വിധേയമാക്കിയത്. സിവിൽ ഡിഫൻസ് അംഗങ്ങളായ അനിൽകുമാർ, അനന്തു, അശ്വതി, ജീപ്പ് ഡ്രൈവർമാരായ യൂനസ്, നൗഷാദ്, സീനിയർ ഫയർ റസ്ക്യൂ ഓഫിസർ , മാത്തുക്കുട്ടി, രാഹുൽ രാജ്, റെജിമോൻ എന്നിവരടങ്ങിയ സംഘമാണ് തീപിടുത്തം നിയന്ത്രണ വിധേയമാക്കിയത്.
English Summary: Ramakkalmedu Kuravan Kurathi A fire broke out near the sculpture
You may like this video also
