സംസ്ഥാനത്തെ ആദിവാസി ഊരുകളിലേക്ക് ഭക്ഷ്യ സിവിൽ സപ്ലൈസ് വകുപ്പിന്റെ വിഷു കൈനീട്ടം. സഞ്ചരിക്കുന്ന റേഷൻ കടകളിലൂടെ ഭക്ഷ്യ ധാന്യങ്ങൾ ആദിവാസി ഊരുകളിലെ വിടുകളിൽ എത്തിച്ചുനൽകുന്ന പദ്ധതിയുടെ ഉദ്ഘാടനം വ്യാഴാഴ്ച നടക്കും.
കാട്ടാക്കട താലൂക്കിലെ അമ്പൂരി പഞ്ചായത്തിലെ പുരവിമല ആദിവാസി ഊരിൽ ഉച്ചയ്ക്ക് രണ്ടിന് ഭക്ഷ്യ പൊതുവിതരണ ഉപഭോക്തൃകാര്യ മന്ത്രി ജി ആർ അനിൽ ഉദ്ഘാടനം നിർവഹിക്കും.
സമൂഹത്തിലെ എല്ലാ വിഭാഗം ജനങ്ങൾക്കം ഉത്സവദിനങ്ങൾ അല്ലലില്ലാതെ സമൃദ്ധമായി ആഘോഷിക്കുവാൻ കഴിയണമെന്ന കാഴ്ചപ്പാടാണ് ഇടതു സർക്കാരിനുള്ളത്. ആ ലക്ഷ്യം മുൻനിർത്തിയാണ് സംസ്ഥാനത്ത് സഞ്ചരിക്കുന്ന റേഷൻകടകൾ എന്ന പദ്ധതി ആഘോഷ നാളുകളിൽ ആരംഭിച്ചിട്ടുള്ളത്.
ഈ പദ്ധതിയുടെ ഭാഗമായി അമ്പൂരി പഞ്ചായത്തിലെ പുരവിമല, തെൻമല, കണ്ണമാംമൂട് എന്നീ ആദിവാസി ഊരുകളിലെ 183 കുടുംബങ്ങൾക്ക് റേഷൻ സാധനങ്ങൾ നേരിട്ട് എത്തിച്ച് നൽകുമെന്നും മന്ത്രി ജി ആർ അനിൽ അറിയിച്ചു. സംസ്ഥാനത്ത് വരും ദിവസങ്ങളിൽ പിന്നാക്ക വിഭാഗം ജനങ്ങൾ അധിവസിക്കുന്ന മേഖലകളിൽ ഉൾപ്പെടെ സഞ്ചരിക്കുന്ന റേഷൻകടകൾ വ്യാപിപ്പിക്കുകയാണ് സർക്കാർ ലക്ഷ്യമെന്നും മന്ത്രി അറിയിച്ചു.
English summary;Ration shops reach out to tribal village
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.