നാഷണൽ കൾച്ചറൽ വെൽഫെയർ ഫൗണ്ടേഷൻ ഏർപ്പെടുത്തിയ ശ്രീ രവീന്ദ്ര നാഥ ടാഗോർ  ദേശീയ പുരസ്ക്കാരത്തിന് എഴുത്തുകാരിയും കവിയിത്രിയുമായ സപ്ന ചന്ദ്രശേഖർ അർഹയായി. ഗോവയിലെ മഡ്ഗാവിൽ നടന്ന ഭാരതീയ  സാഹിത്യ മഹാ  സംഗമ വേദിയിൽ വെച്ച് ഗോവ ഊർജ്ജ  മന്ത്രി നീലേഷ് കബ്രോളിൽ നിന്ന് പുരസ്ക്കാരം ഏറ്റുവാങ്ങി. അവരെ ആദരിച്ച ചടങ്ങിൽ  കൊങ്കിണി സാഹിത്യ ലോകത്തിന് മലയാള സാഹിത്യ ശാഖ വലിയ സ്വാധീനവും പ്രചോദനവും സംഭാവന ചെയ്തിട്ടുണ്ടെന്നും ചെമ്മീനുൾപ്പെടെയുള്ള മഹോത്തര കൃതികൾ കൊങ്കിണി സാഹിത്യത്തിലേക്ക്  ആദരവോടെ, ആരാധനയോടെ പകർത്തിയെടുത്തിട്ടുണ്ടെന്നും മന്ത്രി പറഞ്ഞു.

കേന്ദ്ര സാഹിത്യ അക്കാദമി കൺവീനർ ഡോ: ഭൂഷൺ ഭാവെ ‚കേന്ദ്ര സാഹിത്യ അക്കാദമി അവാർഡ് ജേതാവും, കൊങ്കിണി സാഹിത്യകാരനുമായ ദാമോദർ മിർ സെ എന്നിങ്ങനെ നിരവധി പ്രമുഖർ ചടങ്ങിൽ പങ്കെടുത്തു. കഴിഞ്ഞ വർഷത്തെ ഭാഷാ ശ്രീ A അയ്യപ്പൻ സ്മാരക സംസ്ഥാന അവാർഡുൾപ്പെടെ നിരവധി പുരസ്ക്കാരങ്ങൾ  സപ്ന ചന്ദ്രശേഖറിന് ലഭിച്ചിട്ടുണ്ട്.