Web Desk

മുംബൈ

August 12, 2021, 9:41 pm

ആര്‍ബിഐ സ്വര്‍ണശേഖരം 700 ടണ്‍ കടന്നു

Janayugom Online

സ്വര്‍ണശേഖരം വന്‍തോതില്‍ വര്‍ധിപ്പിച്ച് റിസര്‍വ് ബാങ്ക് ഓഫ് ഇന്ത്യ (ആര്‍ബിഐ). 2021 കലണ്ടര്‍ വര്‍ഷത്തെ ആദ്യ പകുതിയില്‍ മാത്രം ആര്‍ബിഐ സ്വര്‍ണശേഖരത്തിലേക്ക് ചേര്‍ത്തത് 29 ടണ്‍ സ്വര്‍ണമാണ്. 2018 ല്‍ 558.1 ആയിരുന്ന ആര്‍ബിഐ ഗോള്‍ഡ് റിസര്‍വ് ജൂണില്‍ 705.6 ടണ്‍ കടന്നു. രണ്ടുവര്‍ഷംകൊണ്ട് 27 ശതമാനത്തിന്റെ വര്‍ധന. ആദ്യമായാണ് ഇന്ത്യയുടെ സ്വര്‍ണശേഖരം 700 ടണ്‍ പിന്നിടുന്നത്.

വേള്‍ഡ് ഗോള്‍ഡ് കൗണ്‍സിലിന്റെ കണക്കുപ്രകാരം 2021 ജൂണില്‍ ലോകത്തിലെ എല്ലാ കേന്ദ്ര ബാങ്കുകളും കൂടെ വാങ്ങിയത് 32 ടണ്‍ സ്വര്‍ണമാണ്. ഇതില്‍ 30 ശതമാനത്തോളം ആര്‍ബിഐയുടെ വിഹിതമാണ്. 2009 നവംബറിനുശേഷം 2018 മാര്‍ച്ചിലാണ് ആര്‍ബിഐ സ്വര്‍ണം വാങ്ങിയത്. 2.2 ടണ്‍ സ്വര്‍ണമായിരുന്നു 2018 ല്‍ വാങ്ങിയത്. എന്നാല്‍ ഇത്തവണ 29.2 ശതമാനത്തോളം സ്വര്‍ണം അധികമായി വാങ്ങിയതോടെ ആര്‍ബിഐയുടെ സ്വര്‍ണശഖരം 705.6 എന്ന റെക്കോഡിലേക്ക് ഉയര്‍ന്നു.

Eng­lish Sum­ma­ry: RBI gold reserves exceed 700 tonnes

You may like this video also