28 March 2024, Thursday

Related news

March 21, 2024
March 15, 2024
March 1, 2024
February 8, 2024
January 31, 2024
December 1, 2023
November 29, 2023
November 18, 2023
November 10, 2023
November 9, 2023

പലിശനിരക്ക് ഇനിയും കൂട്ടേണ്ടിവരും: ആര്‍ബിഐ

Janayugom Webdesk
മുംബൈ
May 23, 2022 10:50 pm

ജൂണ്‍ മാസത്തിലും പലിശ നിരക്ക് കൂട്ടേണ്ടിവരുമെന്ന് ആര്‍ബിഐ. ടെലിവിഷന്‍ ചാനലിനു നല്‍കിയ അഭിമുഖത്തില്‍ ആര്‍ബിഐ ഗവര്‍ണര്‍ ശക്തികാന്ത ദാസ് ആണ് റിപ്പോ നിരക്ക് വര്‍ധിപ്പിക്കുമെന്ന് അറിയിച്ചത്. അതേസമയം പലിശ നിരക്കില്‍ എത്ര ശതമാനം വര്‍ധനവുണ്ടാകുമെന്ന് പറയാന്‍ അദ്ദേഹം തയാറായില്ല.
രൂപയുടെ മൂല്യത്തകര്‍ച്ച അനുവദിക്കില്ല. കറന്‍സി മാര്‍ക്കറ്റിലെ ചാഞ്ചാട്ടം തടയാന്‍ നടപടികള്‍ സ്വീകരിക്കുമെന്നും പണപ്പെരുപ്പം സംബന്ധിച്ച വിലയിരുത്തല്‍ അടുത്തമാസം പുറത്തുവിടുമെന്നും ശക്തികാന്ത ദാസ് പറഞ്ഞു. 

ഈ മാസം ആദ്യമാണ് ആര്‍ബിഐ പണനയ സമിതി പലിശ നിരക്ക് നാല് ശതമാനത്തില്‍ നിന്നും 4.4 ശതമാനമായി ഉയര്‍ത്തിയത്. 40 ബേസിസ് പോയിന്റിന്റെ വര്‍ധനയാണ് വരുത്തിയത്. പലിശ നിരക്ക് വര്‍ധിപ്പിക്കുന്നതിലൂടെ വിപണിയിലെ പണലഭ്യത കുറച്ച് വിലക്കയറ്റം നിയന്ത്രിക്കാനാണ് ആര്‍ബിഐ ലക്ഷ്യമിടുന്നത്. ഏപ്രിലില്‍ ഇന്ത്യയുടെ ചില്ലറ മേഖലാ പണപ്പെരുപ്പം എട്ട് വര്‍ഷത്തെ ഏറ്റവും ഉയര്‍ന്ന നിലയിലായിരുന്നു. റഷ്യ- ഉക്രെയ്ന്‍ സംഘര്‍ഷം, എണ്ണവിലയിലെ കുതിപ്പ്, അസംസ്‌കൃത വസ്തുക്കളുടെ ലഭ്യതക്കുറവ് എന്നിവ രാജ്യത്തെ സമ്പദ്ഘടനയെ സ്വാധീനിച്ചിട്ടുണ്ട്.

Eng­lish Summary:RBI to raise inter­est rates further
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.