ഇതര സംസ്ഥാനങ്ങളിൽ നിന്ന് കേരളത്തിൽ എത്തുന്നവർക്ക് ഓൺലൈൻ രജിസ്ട്രേഷനും 14 ദിവസം ക്വറന്റീനും തുടരും. ഇതര സംസ്ഥാനങ്ങളിലേക്കുള്ള യാത്രയ്ക്ക് പാസ് ഉൾപ്പെടെയുള്ള നിബന്ധനകളെല്ലാം കേന്ദ്രസർക്കാർ പിൻവലിച്ചെങ്കിലും കേരളത്തിലേക്ക് വരുന്നവർക്ക് കോവിഡ് ജാഗ്രതാ പോർട്ടൽ വഴിയുള്ള രജിസ്ട്രേഷൻ തുടരാനാണ് സംസ്ഥാന സർക്കാർ തീരുമാനം. യാത്രക്കാരുടെ വിവരങ്ങൾ അറിയാനും ക്വറന്റീൻ ഉറപ്പുവരുത്താനും മാത്രമാണ് രജിസ്ട്രേഷനെന്നും യാത്രാനുമതി തേടേണ്ടതില്ലെന്നും ദുരന്ത നിവാരണ വകുപ്പ് അറിയിച്ചു.
കേന്ദ്രസർക്കാരിന്റെ പുതിയ ഇളവുകൾക്ക് പിന്നാലെ ചില സംസ്ഥാനങ്ങൾ ക്വറന്റീൻ കാലാവധി ചുരുക്കുകയോ ഒഴിവാക്കുകയോ ചെയ്തെങ്കിലും രോഗവ്യാപന സാധ്യത കണക്കിലെടുത്ത് ക്വറന്റീനിൽ ഇളവ് നൽകേണ്ടതില്ലെന്നാണ് കേരളത്തിന്റെ തീരുമാനം. ഇതര സംസ്ഥാനങ്ങളിൽ ഹ്രസ്വ സന്ദർശനം നടത്തി മടങ്ങുരന്നവരും ക്വറന്റീൻ നിബന്ധനകൾ പാലിക്കണം.
you may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.