ഷാർജ തീരത്തകപ്പെട്ട കപ്പലിലെ മലയാളികൾ ഉൾപ്പെടുന്ന ജീവനക്കാര രക്ഷിക്കാനുള്ള ശ്രമം തുടങ്ങി

ഇറാനിൽ നിന്ന് മടങ്ങവെ ഷാർജ തീരത്തകപ്പെട്ട എം വി ചാമ്പ്യൻ എന്ന കപ്പലിലെ മൂന്ന് മലയാളികൾ ഉൾപ്പെടെയുള്ള ജീവനക്കാരെ രക്ഷിക്കാനുള്ള ശ്രമം ആരംഭിച്ചതായി അധികൃതർ അറിയിച്ചു.  കോ​വി​ഡ്​ ബാ​ധയെ തുടർന്ന് ന​ങ്കൂ​ര​മി​ടാ​നു​ള്ള അ​നു​മ​തി നി​ഷേ​ധി​ച്ച​തി​നെ തു​ട​ര്‍​ന്ന്​  കഴിഞ്ഞ ആറ് ദിവസമായി ഇവർ ഷാർജാ തീരത്ത് അകപ്പെട്ടു കിടക്കുകയാണ്.  തി​രു​വ​ന​ന്ത​പു​രം സ്വ​ദേ​ശി ഷി​ബു, പാ​ല​ക്കാ​ട്​ സ്വ​ദേ​ശി ര​ജീ​ഷ് മാ​ണി, കോ​ഴി​ക്കോ​ട്​ സ്വ​ദേ​ശി പ്ര​കാ​ശ​ന്‍ എ​ന്നി​വ​രു​ള്‍​പ്പെ​ടെ​ 12 പേരാണ് കപ്പലിലുള്ളത്. ബാക്കിയുള്ള ജീവനക്കാർ ഇന്തോനേഷ്യയിൽ നിന്നും മറ്റ് ആഫ്രിക്കൻ രാജ്യങ്ങളിൽ നിന്നുമുള്ളവരാണ്.  ന​ട​പ​ടി​ക​ള്‍ വേ​ഗ​ത്തി​ലാ​ക്കാ​ന്‍ ഇ​ന്ത്യ​ന്‍ ന​യ​ത​ന്ത്ര​കാ​ര്യാ​ല​യ​വു​മാ​യി കൂ​ടി​യാ​ലോ​ച​ന ന​ട​ത്തി​വ​രു​ക​യാ​ണെ​ന്ന് നോ​ര്‍​ക്ക സി.​ഇ.​ഒ ഹ​രി​കൃ​ഷ്ണ​ന്‍ ന​മ്പൂ​തി​രി പറഞ്ഞു.

ര​ണ്ടു ദി​വ​സ​ത്തി​നു​ള്ളി​ല്‍ ഇ​വ​രെ ക​ര​ക്കെ​ത്തി​ക്കാ​ന്‍ വ​ഴി​തെ​ളി​യു​മെ​ന്നാ​ണ് അ​ധി​കൃ​ത​ര്‍ ഉ​റ​പ്പു​ന​ല്‍​കു​ന്ന​ത്. ആ​ഹാ​ര​വും വെ​ള്ള​വു​മെ​ല്ലാം തീ​ര്‍​ന്ന​തി​നെ തു​ട​ര്‍​ന്ന് ജീ​വ​ന​ക്കാ​ര്‍ അ​വ​ശ​രാ​ണ്. ദുബായ് കേന്ദ്രീകരിച്ചുള്ള സിയാൻ വെസൽ കമ്പനിയുടെ ഉടമസ്ഥതയിലുള്ള കപ്പൽ മൂന്നുമാസത്തെ ജോലികൾക്കായാണ് ജീവനക്കാരുമായി ഇറാനിലേക്ക് പോയത്. തുടർന്ന് മടങ്ങവെയാണ് ഷാർജയിലെത്തിയ ഇവർക്ക് കോവിഡ് ഭീതിയെ തുടർന്ന് ഷാർജാ തീരത്ത് നങ്കൂരമിടാനുള്ള അനുമതി നിഷേധിച്ചത്.

Eng­lish Sum­ma­ry: Res­cue of malay­alees strand­ed in shar­ja start soon

You may also like this video