Web Desk

മംഗളൂരു

April 03, 2020, 3:36 pm

മദ്യവിൽപ്പനശാല കുത്തിത്തുറന്ന് ഒരു ലക്ഷം രൂപയുടെ മദ്യം മോഷ്ടിച്ചു

Janayugom Online

മംഗളൂരുവിൽ മദ്യവിൽപ്പനശാല കുത്തിത്തുറന്ന് ഒരു ലക്ഷം രൂപയുടെ മദ്യം മോഷ്ടിച്ചു. ഉള്ളാലിലുള്ള മദ്യവിൽപ്പനശാലയിലാണ് മോഷണം നടന്നത്.കടയുടെ ഷട്ടർ തകർത്താണ് മോഷ്ടാക്കൾ അകത്ത് കടന്നത്. വില കൂടിയ ബ്രാൻഡുകളും വില കുറഞ്ഞ ബ്രാൻഡുകളും ഒരുപോലെ കള്ളന്മാർ കൊണ്ടുപോയതിൽപ്പെടുന്നു. ലോക്ക്ഡൗൺ പ്രഖ്യാപിച്ചതിനെ തുടർന്ന് ഇവിടെ സമ്പൂർണ്ണ മദ്യനിരോധനമായിരുന്നു.

കടയിലെ സിസിടിവി റെക്കോഡറും കള്ളന്മാർ കൊണ്ടുപോയി. അടുത്ത കടയിൽ കയറി പത്ത് പാക്കറ്റ് സിഗററ്റും അടിച്ചുമാറ്റിയ ശേഷമാണ് കള്ളന്മാർ കടന്നുകളഞ്ഞത്.

you may also like this video