August 11, 2022 Thursday

Related news

August 9, 2022
August 7, 2022
August 7, 2022
August 3, 2022
July 31, 2022
July 29, 2022
July 29, 2022
July 28, 2022
July 28, 2022
July 26, 2022

രാത്രിയുടെ മറവിൽ ഏലത്തോട്ടത്തിൽ നിന്ന് ഈട്ടിത്തടി മോഷണം

Janayugom Webdesk
നെടുങ്കണ്ടം
March 6, 2020 8:52 pm

ഏലം കുത്തകപാട്ട ഭൂമിയിൽ നിന്നും രണ്ട് ഈട്ടി മരങ്ങൾ മുറിച്ച കടത്തിയ സംഭവത്തിൽ നെടുങ്കണ്ടം സ്വദേശി അറസ്റ്റിൽ. നെടുങ്കണ്ടം ബ്ലോക്ക് നമ്പർ 264‑ൽ അജാസ് ഷാജി (21)യാണ് അറസ്റ്റിലായത്. ഒരു ലക്ഷം രൂപയോളം വിലമതിക്കുന്ന 60 ഇഞ്ച് വലുപ്പമുള്ള ഈട്ടിത്തടിയാണ് മുറിച്ച് മാറ്റിയത്. തടി കടത്താൻ ഉപയോഗിച്ച വാഹനവും, തടിയുടെ കുറച്ച് ഭാഗങ്ങളും വനം വകുപ്പ് അധികൃതർ കണ്ടെത്തി. തടി കടത്താൻ ഉപയോഗിച്ച വാഹനത്തിന്റെ ഡ്രൈവറാണ് അജാസ്. ആറോളം വരുന്ന പ്രതികൾക്കായി വനം വകുപ്പ് അന്വേഷണം ആരംഭിച്ചു.

നെടുങ്കണ്ടം കൈലാസപ്പാറക്കു സമീപം താമസിക്കുന്ന ചുരുളിമണിയുടെ കുത്തകപ്പാട്ട ഭൂമിയിൽ നിന്നുമാണ് രണ്ട് ഈട്ടി മരങ്ങൾ മുറിച്ച് കടത്തിയത്. കഴിഞ്ഞ ദിവസം വൈകിട്ട് മുറിച്ചിട്ട മരം കഷ്ണങ്ങളാക്കി പുലർച്ചെ 2.30 ഓടെ കടത്താനായിരുന്ന സംഘത്തിന്റെ ശ്രമം. ഏലത്തോട്ടത്തിന് ഉള്ളിലായതിനാലും മഴ പെയ്ത സമയമായതിനാലും പ്രതികൾ മരം മുറിക്കുന്നത് ആളുകൾ അറിഞ്ഞില്ല. കുത്തകപാട്ട ഭൂമിയിൽ നിന്നും ഈട്ടി മരങ്ങൾ മുറിച്ചതായി കല്ലാറിലെ വനംവകുപ്പ് ഓഫീസിലെ ഉദ്യോഗസ്ഥർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ വനം വകുപ്പ് ഫ്ളയിങ് സ്ക്വാഡ് പുലർച്ചെ നടത്തിയ പരിശോധനയിലാണ് മരങ്ങൾ മുറിച്ചതായി കണ്ടെത്തിയത്. തുടർന്ന് നടത്തിയ അന്വേഷണത്തിൽ മുറിച്ച തടിയുടെ കുറച്ച് ഭാഗങ്ങളും, ഇവ കടത്താൻ ഉപയോഗിച്ച വാഹനവും കണ്ടെത്തുകയായിരുന്നു.

ഒന്നിൽ കൂടുതൽ വാഹനങ്ങൾ തടി കുടത്തുവാൻ ഉപയോഗിച്ചിട്ടുള്ളതായാണ് വനം വകുപ്പിന് ലഭിച്ചിരിക്കുന്ന വിവരം. മരം മുറിച്ച സ്ഥലത്ത് നടത്തിയ പരിശോധനയിൽ ചപ്പ് ചവറുകളിട്ടു മൂടിയ നിലയിൽ ഈട്ടി തടിയുടെ കുറേ ഭാഗങ്ങൾ കൂടി കണ്ടെത്തിയിട്ടുണ്ട്. കുറച്ച് തടി കടത്തിയിരുന്നു. ഇവ കണ്ടെത്തുവാനുള്ള ശ്രമത്തിലാണെന്ന് വനം വകുപ്പ് ഉദ്യോഗസ്ഥർ അറിയിച്ചു. ഇതിനായി ഹൈറേഞ്ചിന്റെ വിവിധ മേഖലകളിൽ തിരച്ചിൽ ഊർജ്ജിതമാക്കി. വനം വകുപ്പ് ഉദ്യോഗസ്ഥരായ കെ വി രതീഷ്, ഇ വി പ്രസാദ്, പി ആർ സുധീഷ്, വൈ സജീവ്, സജു എസ് ദേവ്, പോൾസൺ ജോർജ്, പി സന്തോഷ് എന്നിവരടങ്ങിയ സംഘമാണു പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.

 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.