Web Desk

ലഖ്നൗ

September 04, 2021, 10:16 pm

ആദായനികുതി പോർട്ടൽ: ഇൻഫോസിസിനെതിരെ ആർഎസ്എസ്

Janayugom Online

കേന്ദ്ര സർക്കാരിന്റെ ജിഎസ്‌ടി, പുതിയ ഇൻകം ടാക്സ് പോർട്ടലുകൾ വികസിപ്പിച്ചതിൽ ഇന്‍ഫോസിസിനെതിരെ ആര്‍എസ്എസ് അനുബന്ധ മാഗസിനായ പാഞ്ചജന്യ. ‘അർബൻ നക്സലുകളു‘ടേയും ഇടത് അനുഭാവികളുടേയും കീഴിലാണ് ഇൻഫോസിസ് എന്നാണ് പാഞ്ചജന്യയുടെ ആരോപണം.
സെപ്റ്റംബർ ലക്കത്തിന്റെ കവർസ്റ്റോറിയായാണ് ഇന്‍ഫോസിസിനെതിരെ ലേഖനം പ്രസിദ്ധീകരിച്ചിരിക്കുന്നത്. പ്രതിപക്ഷവുമായി ചേർന്ന് സർക്കാരിനെതിരെ പ്രവർത്തിക്കുന്നു, ആത്മനിർഭർ ഭാരത് പദ്ധതി അട്ടിമറിക്കുന്നു തുടങ്ങിയ ആരോപണങ്ങളാണ് പാഞ്ചജന്യ ഉന്നയിക്കുന്നത്.

ഇതുംകൂടി വായിക്കൂ:ആർഎസ്എസ് പ്രകടിപ്പിക്കുന്ന രാജ്യ സ്നേഹം പരിഹാസ്യം: കെ കെ ശിവരാമൻ

പോര്‍ട്ടലുകള്‍ സുഗമമാക്കുന്നതിനു പകരം ഇന്‍ഫോസിസ് കൂടുതല്‍ കുഴപ്പത്തിലാക്കുകയാണ് ചെയ്തത്. ഇത് ജനങ്ങളെ കേന്ദ്രസര്‍ക്കാരിനെതിരെ തിരിപ്പിക്കുന്നതിനുള്ള അജണ്ടയാണെന്നും പാഞ്ചജന്യ ആരോപിക്കുന്നു. ആദായ നികുതി വകുപ്പിന്റെയും ജിഎസ്‌ടിയുടെയും പോർട്ടലുകൾ ഉപയോക്താക്കൾക്ക് ഉപയോഗിക്കുന്നതിൽ പ്രയാസം നേരിട്ടതോടെ ഇൻഫോസിസ് സിഇഒയെ ധനമന്ത്രി നിർമ്മല സീതാരാമൻ വിളിച്ചുവരുത്തിയിരുന്നു.
eng­lish summary;RSS Against Infosys
you may also like this video;