June 29, 2022 Wednesday

എറണാകുളത്ത് റബ്ബർ ഫാക്ടറി കത്തി നശിച്ചു

By Janayugom Webdesk
February 11, 2020

എറണാകുളത്ത് റബ്ബർ ഫാക്ടറി കത്തി നശിച്ചു. എറണാകുളം പളളിക്കരക്കടുത്ത് പിണർമുണ്ടയിൽ രാവിലെ പതിനൊന്നേമുക്കാലോടെയാണ് സംഭവം. ചെരിപ്പ് നിർമ്മിക്കുമ്പോൾ ഉണ്ടാകുന്ന റബ്ബറിന്റെ ബാക്കി ഭാഗം പൊടിച്ചു ഷീറ്റുകളാക്കുന്ന ഫാക്ടറിയായിരുന്നു ഇത്. റബ്ബർ മാലിന്യം കത്തിച്ചു കളയാൻ തീയിട്ടതിൽ നിന്നാണ് തീ പടർന്നതെന്നാണ് പ്രാഥമിക നിഗമനം.

സ്ഥാപനത്തിന് പഞ്ചായത്ത് ലൈസൻസ് ഉണ്ടെങ്കിലും അഗ്നി ശമന മാനദണ്ഡങ്ങൾ പാലിച്ചിരുന്നില്ല എന്നാണ് കണ്ടെത്തൽ. തീ പിടുത്തത്തിൽ ഫാക്ടറി പൂർണ്ണമായും കത്തി നശിച്ചിട്ടുണ്ട്. തൃക്കാക്കര, കാക്കനാട്, പട്ടിമറ്റം എന്നിവിടങ്ങളിൽ നിന്നും ആറു യൂണിറ്റ് ഫയർ ഫോഴ്‌സ് എത്തി ഒരു മണിക്കൂറോളം പണിപ്പെട്ടാണ് തീ നിയന്ത്രണ വിധേയം ആക്കിയത്. പിണർമുണ്ട സ്വദേശി അലിയാരുടെ ഉടമസ്‌ഥതയിൽ ഉള്ളതാണ് ഫാക്ടറി.

Eng­lish Sum­ma­ry: Rub­ber fac­to­ry burned down in Ernakulam.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.