ട്രയിനില്‍ തീപിടിച്ചുവെന്ന അഭ്യൂഹത്തെത്തുടര്‍ന്ന് പരിഭ്രാന്തരായി ട്രയിനില്‍ നിന്ന് ചാടിയ 11 പേര്‍ മരിച്ചു. യാത്രക്കാര്‍ ച്രാക്കിലേക്ക് എടുത്ത് ചാടുമ്പോള്‍ ബെഗളൂരു എക്സ്പ്രസ്സ് ട്രയിന്‍ മുന്നിലേക്ക് വരികയായിരുന്നു. ഈ ട്രയിന്‍ ഇടിച്ചാണ് ആളുകള്‍ മരിച്ചത്. പലര്‍ക്കും ഗുരുതര പരിക്കുകളും ഏറ്റിട്ടുണ്ട്.
ലക്നൗ-മുംബൈ പുഷ്പക് എക്സ്പ്രസ്സിലാണ് അതിദാരുണ സംഭവം ഉണ്ടായത്. മുംബൈയ്ക്ക് 400 മീറ്റര്‍ അകലെ പച്ചോറയ്ക്ക് സമീപം മഹേജ് പര്‍ധഡെ സ്റ്റേഷനുകള്‍ക്കിടയിലാണ് അപകടമുണ്ടായത്. ഏകദേശം 5 മണിയോടെ ട്രയിനില്‍ തീപിടിച്ചുവെന്ന് കേട്ട് ആരോ അപായ ചങ്ങല വലിച്ച് ട്രയിന്‍ നിര്‍ത്തുകയായിരുന്നുവെന്ന് സെന്‍ട്രല്‍ റെയില്‍വേ അധികൃതര്‍ അറിയിച്ചു.
ഇത്കേട്ട് ട്രാക്കിലേക്ക് ചാടി ഇറങ്ങിയ ആളുകളെ അവിടേക്ക് എത്തിയ കര്‍ണാടക എക്സ്പ്രസ്സ് ഇടിക്കുകയായിരുന്നുവെന്ന് സെന്‍ട്രല്‍ റെയില്‍വേ ചീഫ് സ്വപ്നില്‍ നില പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.