Web Desk

മുബെെ

March 13, 2020, 2:19 pm

കോവിഡ് ഭീതിയിൽ ഓഹരി; രൂപയുടെ മൂല്യത്തിന് റെക്കോർഡ് ഇടിവ്

Janayugom Online

കൊറോണ ഭീതിയിൽ ആഗോള വിപണികൾ തകർന്നടിഞ്ഞതിന്റെ ചുവടു പിടിച്ച് ഇന്ത്യൻ ഓഹരി വിപണിയിലും തകർച്ച. ചരിത്രത്തിലെ ഏറ്റവും താഴ്ന്ന നിരക്കായ 74.5075 എന്ന നിലയിലേക്ക് വെള്ളിയാഴ്ച രൂപ ഇടിഞ്ഞു. പിന്നീട് നില അല്പം മെച്ചപ്പെടുത്തി 74. 445ലെത്തി.രാവിലെ വ്യാപാരം തുടങ്ങിയപ്പോൾ സൂചിക പത്തു ശതമാനത്തിലധികം ഇടിഞ്ഞതോടെ മുക്കാൽ മണിക്കൂറും നേരം വ്യാപാരം നിർത്തിവെച്ചു.

2018 ഒക്ടോബർ 11 ന് രേഖപ്പെടുത്തിയ 74.48 ആയിരുന്നു ഇതിന് മുൻപ് രൂപ നേരിട്ട താഴ്ന്ന മൂല്യം. അതേസമയം, കൊറോണ ആശങ്കകൾക്കിടയിലും ഗൾഫിൽ നിന്ന് നാട്ടിലേക്ക് പണമടക്കുന്ന പ്രവാസികളുടെ എണ്ണം കൂടുകയാണ്. ഗൾഫ് കറൻസികൾക്ക് ലഭിക്കുന്ന മെച്ചപ്പെട്ട മൂല്യം ഉപയോഗപ്പെടുത്തുകയാണ് പ്രവാസികൾ.

ഇന്ത്യൻ ഓഹരിവിപണികളിൽ ഏറ്റവും കൂടുതൽ ഇടിവ് ഉണ്ടായത് ഏവിയേഷൻ ഓഹരികളിലാണ്. സ്പൈസ് ജെറ്റ് ഓഹരികൾ 18 ശതമാനം ഇടിഞ്ഞു. രാജ്യാന്തര വിപണിയിൽ ക്രൂഡ് വിലയിൽ ഇടിവ് തുടരുകയാണ്.

ENGLISH SUMMARY: rup­pee hits record low due to corona

YOU MAY ALSO LIKE THIS VIDEO