Web Desk

മോസ്കോ

September 18, 2020, 4:01 pm

റഷ്യൻ വാക്സിന് പ്രതിരോധശേഷി ആറുമാസം മാത്രം

Janayugom Online

റഷ്യ വികസിപ്പിച്ചെടുത്ത കോവിഡ് വാക്സിന് പ്രതിരോധ ശേഷി ആറുമാസം മാത്രമാണെന്ന് റഷ്യയിലെ പകര്‍ച്ചവ്യാധി പ്രതിരോധ വിഭാഗം മേധാവി അറിയിച്ചു. കോവിഡിനെതിരെയുളള വാക്സിന് ജീവിതകാലം മുഴുവൻ പ്രതിരോധ ശേഷി ഉറപ്പ് നല്‍കാൻ സാധിക്കില്ലെന്നും പ്രതിരോധ വിഭാഗം മേധാവിയായ അലക്സാണ്ടര്‍ റിസികോവ് പറഞ്ഞു. പരീക്ഷണാടിസ്ഥാനത്തില്‍ നടത്തിയ സ്പുട്നിക് 5 വാക്സിൻ സ്വീകരിച്ച ഏഴില്‍ ഒരാളില്‍ വീതം പാര്‍ശ്വഫലങ്ങളുണ്ടെന്ന് റഷ്യൻ ആരോഗ്യമന്ത്രി അറിയിച്ചു.

ഇൻസ്റ്റാഗ്രാമിലൂടെയാണ് സ്പുട്നിക് 5 ആജീവനന്തകാലം പ്രതിരോധ ശേഷി നല്‍ക്കില്ലെന്നുളള കാര്യം റിസികോവ് അറിയിച്ചത്. റഷ്യൻ വാക്സിൻ ഇന്ത്യയിലെത്തിക്കാൻ ഡോ. റെഡ്ഡീസ് ലബോറട്ടറീസുമായി കരാര്‍ ഒപ്പിട്ടതിന് പിന്നാലെയാണ് ആറുമാസം മാത്രം പ്രതിരോധശേഷിയെന്ന വാര്‍ത്ത പുറത്തുവരുന്നത്. എന്നാല്‍, കോവിഡിനെതിരെ ഓക്സ്ഫോഡ് സര്‍വകലാശാല വികസിപ്പിക്കുന്ന വാക്സിന് ആജീവനാന്തപ്രതിരോധശേഷിയുണ്ടെന്നാണ് കമ്പനി അവകാശപ്പെടുന്നത്. മൂന്നാംഘട്ട പരീക്ഷണത്തിന്റെ ഭാഗമായി 300 ല്‍ അധികം ആളുകള്‍ റഷ്യൻ വാക്സിൻ സ്വീകരിച്ചുകഴിഞ്ഞു.

ENGLISH SUMMARY: RUSSIAN VACCINE HAVE ONLY 6 MONTHS IMMUNITY CAPACITY

YOU MAY ALSO LIKE THIS VIDEO