August 15, 2022 Monday

Related news

August 10, 2022
July 13, 2022
July 9, 2022
July 7, 2022
July 6, 2022
July 1, 2022
July 1, 2022
June 21, 2022
June 17, 2022
June 11, 2022

സ​ഞ്ജു സാം​സ​ണ്‍ വീ​ണ്ടും ഇ​ന്ത്യ​ൻ ടീമിൽ

Janayugom Webdesk
മും​ബൈ
February 19, 2022 5:34 pm

ശ്രീലങ്കയ്ക്കെതിരായ ടെസ്റ്റ്, ടി20 പരമ്പരകള്‍ക്കുള്ള ഇന്ത്യന്‍ ടീമിനെ പ്രഖ്യാപിച്ചു. ഇരുഫോര്‍മാറ്റിലും രോഹിത് ശര്‍മയുടെ നേതൃത്വത്തിലുള്ള 18 അംഗ ടീമിനെയാണ് പ്രഖ്യാപിച്ചത്. ടി20യില്‍ മലയാളി താരം സഞ്ജു സാംസണ്‍ തിരിച്ചെത്തി ഫോമിലല്ലാത്ത വെറ്ററന്‍ താരങ്ങളായ അജിങ്ക്യ രഹാനയെയും ചേതേശ്വര്‍ പുജാരയെയും ടെസ്റ്റ് ടീമില്‍ നിന്ന് പുറത്താക്കി. പരിക്കേറ്റ കെ എല്‍ രാഹുല്‍ രണ്ടു ടീമിലുമില്ല. 

രോഹിത് യുഗം എന്ന് ഉറപ്പിച്ച് ടെസ്റ്റിലും രോഹിത് തന്നെ ഇന്ത്യയുടെ ടെസ്റ്റ് നായകനായി എത്തിയിരിക്കുന്നു. വൈസ് ക്യാപ്റ്റന്‍ ജസ്പ്രീത് ബുംറയാണ്. പ്രിയങ്ക് പാഞ്ചലിന് ടീമിലേക്ക് വിളിയെത്തിയതാണ് ടെസ്റ്റില്‍ എടുത്തുപറയേണ്ടത്. വിരാട് കോലിയുടെ 100-ാം ടെസ്റ്റ് മത്സരമാണ് ശ്രീലങ്കയ്‌ക്കെതിരായ ടെസ്റ്റ്. രഹാനെക്ക് പകരം ശ്രേയസ് അയ്യരെ ഇന്ത്യ പരിഗണിക്കുമ്പോള്‍ പുജാരക്ക് പകരം ആരെന്നത് കണ്ടറിയണം.

പരിക്കേറ്റ് പുറത്തിരിക്കുന്ന രവീന്ദ്ര ജഡേജ ടി20 ടീമില്‍ തിരിച്ചെത്തി. കുല്‍ദീപ് യാദവ് ടെസ്റ്റ്, ടി20 ടീമുകളില്‍ ഇടംപിടിച്ചു. ശ്രീലങ്കയുടെ ഇന്ത്യന്‍ പര്യടനം ഫെബ്രുവരി 24നാണ് ആരംഭിക്കുന്നത്. മൂന്നു മത്സരങ്ങള്‍ ഉള്‍പ്പെടുന്ന ടി20 പരമ്പരയ്ക്ക് പിന്നാലെ രണ്ടു മത്സരങ്ങള്‍ ഉള്‍പ്പെടുന്ന ടെസ്റ്റ് പരമ്പരയും നടക്കും. 

Eng­lish Summary:Sanju Sam­son in the Indi­an team again
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.