എവിടെ നിൻ സത്യം
എവിടെ നിൻ സത്വം
ചിലനേരമറിയാതെ
ചിതലിനായ് മാറുന്ന
ചെറു ജീവിതമാണീ
മനുഷ്യജന്മം
ഞാനെന്ന ഭാവത്തിൻ
ചിറകിലേറി നമ്മൾ
അറിയാതെ തുള്ളുന്ന
കോലങ്ങളൊക്കെയും
നിഴലുകൾക്കൊപ്പം
നിശബ്ദമായ് മാറുന്ന
നെടും വിശ്വാസത്തിൽ
പഴുതിലൂടെ മെല്ലെ
പഴുത്തില പോലെ
കൊഴിഞ്ഞു വീഴുന്നു
എവിടെ നിൻ സത്യം
എവിടെ നിൻ സത്വം
ആശതൻ ആലയിൽ
മോഹം നിറച്ചു
കാലമാം തീയിൽ
കരിച്ച കണ്ണിലെ
കൃഷ്ണമണിയിലോ
പഴി കേട്ട് കേട്ട്
മാത്രം വളർന്ന
ചെവിയിലാണോ
ചുംബനമേൽക്കത്ത
ചുണ്ടിലാണോ
ഉറുമ്പരിക്കാൻ വച്ച
തലയിലാണോ
കുലീനമാം
കുടില തന്ത്രത്തിൻ
മധു നിറച്ചോരാ
മനസിലാണോ
എവിടെ നിൻ സത്യം
എവിടെ നിൻ സത്വം
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.