മഹാരാഷ്​ട്രയില്‍ ശനിയാഴ്​ച മാ​ത്രം റിപ്പോര്‍ട്ട്​ ചെയ്​തത്​ 811 കോവിഡ്​ കേസുകള്‍

Web Desk

മുംബൈ

Posted on April 26, 2020, 8:52 am

മഹാരാഷ്​ട്രയില്‍ ശനിയാഴ്​ച മാ​ത്രം റിപ്പോര്‍ട്ട്​ ചെയ്​തത്​ 811 കോവിഡ്​ കേസുകള്‍. ഒരു ദിവസം ഇത്രയും പേര്‍ക്ക്​ രോഗം സ്​ഥിരീകരിക്കുന്നത്​ ഇതാദ്യമായാണ്​. ഇതോടെ കോവിഡ്​ ബാധിതരുടെ എണ്ണം 7628 ആയി. 22 പേര്‍ കൂടി ഇന്നലെ മരി​ച്ചതോടെ മഹാരാഷ്​ട്രയില്‍ ഇതുവരെ 323 പേരാണ്​ മരിച്ചത്​. സംസ്​ഥാനത്ത്​ 7628പേര്‍ക്ക്​ കോവിഡ് സ്​ഥിരീകരിച്ചതില്‍ 5,049 പേരും മുംബൈയിലാണ്​. മുംബൈയില്‍ മാത്രം 191പേര്‍ മരിക്കുകയും ചെയ്​തു. ശനിയാഴ്​ച 119 പേര്‍ രോഗമുക്തിനേടി ആശുപത്രി വിട്ടു. 1076 പേര്‍​ ഇതുവരെ രോഗമുക്തി നേടി.

1,08,972 സാമ്പിളുകളാണ് ​ സംസ്​ഥാനത്ത്​ ഇതുവരെ പരിശോധനക്ക്​ അയച്ചത്​. സംസ്​ഥാനത്ത്​ 555 തീവ്ര രോഗബാധിത മേഖലകളാണുള്ളത്​. 1,25,393 പേര്‍ വീട്ടുനിരീക്ഷണത്തിലും 8124 പേര്‍ ആശുപത്രികളിലും നിരീക്ഷണത്തിലുണ്ട്​.

you may also like this video