Web Desk

ചെന്നൈ

February 12, 2020, 2:06 pm

‘തമിഴ്‌നാടിനെ രക്ഷിക്കാന്‍ നിങ്ങള്‍ക്കേ സാധിക്കൂ’;വിജയ് ആരാധകരുടെ പോസ്റ്റർ പ്രചാരണം

Janayugom Online

നടന്‍ വിജയ്‌യെ ആദായനികുതിവകുപ്പ് 24 മണിക്കൂറോളം ചോദ്യംചെയ്ത സംഭവത്തിനു പിന്നാലെ നടന് പിന്തുണയറിയിച്ച് തമിഴ്‌നാട്ടില്‍ ആരാധകരുടെ പോസ്റ്റര്‍ പ്രചാരണം. ‘തമിഴ്‌നാടിനെ രക്ഷിക്കാന്‍ നിങ്ങള്‍ക്കേ സാധിക്കൂ’ എന്ന് പ്രഖ്യാപിച്ചുകൊണ്ടുള്ള പോസ്റ്ററുകളാണ് മധുര ജില്ലയിലെ നിരവധി ഇടങ്ങളില്‍ പ്രത്യക്ഷപ്പെട്ടത്. മധുര ജില്ലയിലെ നിരവധി ഇടങ്ങളിലാണ് പോസ്റ്ററുകള്‍ ഉള്ളത്.പോസ്റ്ററുകളില്‍ വിജയ്‌ക്കൊപ്പം ആന്ധ്ര മുഖ്യമന്ത്രി ജഗന്‍ മോഹന്‍ റെഡ്ഡിയും തിരഞ്ഞെടുപ്പ് വിദഗ്ധന്‍ പ്രശാന്ത് കിഷോറുമുണ്ട്. താരത്തിന്റെ രാഷ്ട്രീയ പ്രവേശനം തമിഴകത്ത് ഒരു ചര്‍ച്ചാ വിഷയമായിരിക്കുന്ന സാഹചര്യത്തിലാണ് ഇതെന്നത് പ്രസക്തമാണ്.

ഗജന്‍മോഹന്‍ റെഡ്ഡിയും പ്രശാന്ത് കിഷോറും വിജയ്‌യോട് തമിഴ്‌നാടിനെ രക്ഷിക്കൂ എന്ന് ആവശ്യപ്പെടുന്നതായി പോസ്റ്ററില്‍ ചിത്രീകരിച്ചിരിക്കുന്നു. ‘ഞങ്ങള്‍ ആന്ധ്രയെ രക്ഷിച്ചു. പ്രശ്‌നങ്ങളിലകപ്പെട്ടിരിക്കുന്ന തമിഴ്‌നാടിനെ നിങ്ങള്‍ രക്ഷിക്കണം, ജനങ്ങളുടെ ക്ഷേമം സംരക്ഷിക്കണം’ എന്നാണ് പോസ്റ്ററില്‍ ആവശ്യപ്പെടുന്നത്. വിജയ് ആരാധകരുടെ പേരിലാണ് പോസ്റ്ററുകള്‍ പ്രത്യക്ഷപ്പെട്ടിട്ടുള്ളത്.

ENGLISH SUMMARY: Save Tamil Nadu Vijay fans put up posters on Tamilnadu

YOU MAY ALSO LIKE THIS VIDEO