Web Desk

തിരുവനന്തപുരം

January 26, 2020, 9:45 am

ഐശ്വര്യം കിട്ടാൻ സ്കൂൾ വിദ്യാർഥിനിയെ മന്ത്രവാദിക്ക് വിവാഹം കഴിച്ചുനൽകി പീഡിപ്പിച്ചു: അമ്മ ഉൾപ്പെടെ മൂന്നുപേർ അറസ്റ്റിൽ

Janayugom Online

സ്കൂൾ വിദ്യാർഥിനിയെ മന്ത്രവാദിക്ക് വിവാഹം കഴിച്ചുനൽകി പീഡിപ്പിച്ച കേസിൽ അമ്മയും രണ്ടാം ഭർത്താവും മന്ത്രവാദിയും അറസ്റ്റിൽ. കുടുംബത്തിന് ഐശ്വര്യം കിട്ടാനെന്ന പേരിലാണ് പ്ലസ്ടു വിദ്യാർഥിനിയെ മന്ത്രവാദിക്ക് വിവാഹം കഴിപ്പിച്ചുകൊടുത്തത്. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ച പൊലീസ് കഴിഞ്ഞ ദിവസമാണ് പ്രതികളെ പിടികൂടിയത്.

കരിപ്ലാംവിള പുത്തൻ വീട്ടിൽ വിനോദ് (സുനു) ആണ് അറസ്റ്റിലായ മന്ത്രവാദി. അമ്മക്കൊപ്പം അറസ്റ്റിലായ രണ്ടാം ഭർത്താവ് പീഡനക്കേസിലെ പ്രതിയാണ്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.

അമ്മൂമ്മയ്ക്കൊപ്പം താമസിക്കുകയായിരുന്ന സ്കൂൾ വിദ്യാർഥിനിയാണ് പീഡനത്തിനിരയായത്. അമ്മ താമസിക്കുന്ന വീട്ടിൽ കുട്ടിയെ  വിളിച്ചുവരുത്തുകയും വീട്ടിൽ ഐശ്വര്യം ലഭിക്കുന്നതിനെന്നുപറഞ്ഞ് മന്ത്രവാദിയെ കല്യാണം കഴിക്കാൻ നിർബന്ധിക്കുകയുമായിരുന്നു. തുടർന്ന് കുട്ടിയുടെ സമ്മതമില്ലാതെ അടുത്ത ക്ഷേത്രത്തിൽവച്ച് താലി കെട്ടിയശേഷം ഇവരോടൊപ്പം താമസിപ്പിച്ച് പീഡിപ്പിക്കുകയായിരുന്നു. അമ്മയുടെ വീട്ടിൽനിന്നു കഴിഞ്ഞദിവസം രക്ഷപ്പെട്ട് അമ്മൂമ്മയുടെ വീട്ടിലെത്തിയ കുട്ടി സ്കൂൾ അധികൃതരെ വിവരമറിയിച്ചപ്പോഴാണ് സംഭവം പുറംലോകമറിയുന്നത്.

YOU MAY ALSO LIKE THIS VIDEO