Web Desk

മാനന്തവാടി

February 08, 2020, 5:46 pm

കൂലി വർദ്ധിപ്പിച്ച സർക്കാരിനെ അഭിനന്ദിച്ച് സ്കൂൾ പാചകത്തൊഴിലാളി യൂണിയൻ

Janayugom Online

സ്കൂൾ പാചകത്തൊഴിലാളികളുടെ കൂലി പ്രതിദിനം 50 രൂപ വർദ്ധിപ്പിച്ച സർക്കാരിനെ സ്കൂൾ പാചക തൊഴിലാളി യൂണിയൻ എഐടിയുസി വയനാട് ജില്ലാ കൺവെൻഷൻ അഭിനന്ദിച്ചു. മാനന്തവാടിയിൽ നടന്ന കൺവെൻഷൻ ജില്ലാ പ്രസിഡന്റ് മഹിതമൂർത്തി ഉദ്ഘാടനം ചെയ്തു.ജില്ലാ സെക്രട്ടറി സെലിൻ ജോസ് അധ്യക്ഷത വഹിച്ചു. സിപിഐ മാനന്തവാടി മണ്ഡലം സെക്രട്ടറി വി.കെ ശശിധരൻ,എഐടിയുസി താലൂക്ക് പ്രസിഡന്റ് കെ.സജീവൻ, ഇ.ഡി അന്ന, സീതബാലൻ, ഷീബഅശോകൻ, കെ റോസിലി എന്നിവർ പ്രസംഗിച്ചു.സ്കൂളുകളിൽ പാചകത്തിന് ഗുണമേൻമയുള്ള ഭക്ഷ്യസാധനങ്ങൾ വിതരണം ചെയ്യണമെന്നും കൺവെൻഷൻ സർക്കാരിനോട് ആവശ്യപ്പെട്ടു.

 

Eng­lish Sum­ma­ry: School non teach­ing staffs wage increase