Web Desk

മുംബൈ

March 12, 2020, 2:28 pm

കൊറോണ ഭീതിയിൽ ഓഹരി വിപണി; അഞ്ച് ആഴ്ച കൊണ്ട് 20 ശതമാനത്തിന്റെ താഴ്ച

Janayugom Online

കൊറോണ ഭീതിയിൽ ഓഹരി വിപണിയിൽ കനത്ത സമ്മർദം തുടരുന്നു. വ്യാപാരം ആരംഭിച്ചയുടനെ സെൻസെക്സ് 1655 പോയിന്റ് കൂപ്പുകുത്തി. നിഫ്റ്റിയാകട്ടെ 491 പോയിന്റും. ഇന്ത്യൻ നിഫ്റ്റി ജനുവരിയിലെ ഉയർച്ചയിൽ നിന്ന് അഞ്ച് ആഴ്ച കൊണ്ടാണ് 20 ശതമാനത്തിന്റെ താഴ്ച കാണിച്ചിരിക്കുന്നത്. എല്ലാ സെക്ടറുകളും കഴിഞ്ഞ ഒരു വർഷത്തെ ഏറ്റവും താഴ്ന്ന നിലയിലാണുള്ളത്. മിക്കവാറും എല്ലാ സെക്ടറും നാല് മുതൽ ഏഴു ശതമാനം വരെയുള്ള ഇടിവാണ് കാണിക്കുന്നത്.

കൊറോണ ഭീതിയിൽ പലരാജ്യങ്ങളും യാത്രാവിലക്ക് വന്നതും വിപണിയുടെ കരുത്ത് ചോർത്തി. കനത്ത നഷ്ടത്തിലാണ് ആഗോള വിപണികളെല്ലാം. ടാറ്റ മോട്ടോർസ്, ടാറ്റ സ്റ്റീൽ, ഒഎൻജിസി, യെസ് ബാങ്ക്, ആക്സിസ് ബാങ്ക്, എസ്‌ബിഐ, ഹിൻഡാൽകോ, ഗ്രാസിം ഗെയിൽ ഇൻഫോസിസ് തുടങ്ങിയ ഓഹരികളെല്ലാം നഷ്ടത്തിലാണ്.

ENGLISH SUMMARY: sen­sex falls down

YOU MAY ALSO LIKE THIS VIDEO