October 1, 2022 Saturday

Related news

October 1, 2022
September 21, 2022
August 27, 2022
August 20, 2022
August 20, 2022
August 19, 2022
August 4, 2022
July 29, 2022
June 29, 2022
June 29, 2022

മുംബൈയില്‍ ഏഴു കോടിയുടെ കള്ളനോട്ട് പിടിയില്‍; ഏഴ് പേര്‍ അറസ്റ്റില്‍

Janayugom Webdesk
മുംബൈ
January 27, 2022 9:38 am

മുംബൈയിൽ വൻ കള്ളനോട്ട് സംഘം പിടിയില്‍. അന്തർ സംസ്ഥാനങ്ങളില്‍ കള്ളനോട്ട് അച്ചടിച്ചു വിതരണം ചെയ്തുവന്നിരുന്ന സംഘത്തെയാണ് മുംബൈ പൊലീസ് പിടികൂടിയത്. കേസുമായി ബന്ധപ്പെട്ട് ഏഴു പേർ അറസ്റ്റിലായി. ഏഴു കോടിയുടെ വ്യാജ കറൻസികളും പിടിച്ചെടുത്തു. രഹസ്യ വിവരത്തിന്‍റെ അടിസ്ഥാനത്തിൽ മുംബൈ ക്രൈംബ്രാഞ്ച് യൂണിറ്റ് നഗരപ്രാന്തത്തിലെ ദഹിസർ ചെക്ക് പോസ്റ്റിൽ കാർ തടഞ്ഞു നടത്തിയ പരിശോധനയിലാണ് കള്ളനോട്ട് സംഘത്തെ പിടികൂടിയത്. 

കാറിലെത്തിയ സംഘത്തില്‍ നാല് പേരുണ്ടായിരുന്നു. 2000 രൂപയുടെ 250 ബണ്ടിൽ കള്ള നോട്ടുകളാണ് പിടിച്ചെടുത്തത്. കാറിലുണ്ടായിരുന്നവരെ ചോദ്യം ചെയ്തതിൽനിന്നു മൂന്നു സഹായികളെക്കുറിച്ചുള്ള വിവരങ്ങൾക്കൂടി ലഭിച്ചു. തുടർന്ന് സബർബൻ അന്ധേരിയിലെ ഒരു ഹോട്ടലിൽ റെയ്ഡ് നടത്തി മൂന്നു പേരെക്കൂടി പോലീസ് പിടികൂടുകയായിരുന്നു. ഇവരിൽനിന്നു രണ്ടു കോടി രൂപ വിലമതിക്കുന്ന, രണ്ടായിരത്തിന്‍റെ 100 കെട്ട് നോട്ടുകൂടി കണ്ടെടുത്തതായി ഉദ്യോഗസ്ഥർ അറിയിച്ചു. ഒരു ലാപ്‌ടോപ്പ്, ഏഴ് മൊബൈൽ ഫോണുകൾ, 28,170 രൂപയുടെ യഥാർഥ കറൻസികൾ, ആധാർ, പാൻ കാർഡുകൾ, ഡ്രൈവിംഗ് ലൈസൻസുകൾ എന്നിവയും സംഘത്തിൽ നിന്നു പൊലീസ് പിടിച്ചെടുത്തിട്ടുണ്ട്.

ENGLISH SUMMARY:Seven crore coun­ter­feit notes seized; Sev­en arrest­ed in Mumbai
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.