മകന് വീണ്ടും പെണ്‍കുഞ്ഞ് പിറന്നു; ഏഴ് ദിവസം പ്രായമുള്ള കുഞ്ഞിനെ ശ്വാസംമുട്ടിച്ച് കൊന്ന് മുത്തശ്ശി

തമിഴ്‌നാട്ടിലെ മധുരയിൽ ഏഴ് ദിവസം പ്രായമുളള പെൺകുഞ്ഞിനെ മുത്തശ്ശി ശ്വാസം മുട്ടിച്ച് കൊലപ്പെടുത്തി. ചിന്നസ്വാമി- ശിവപ്രിയ ദമ്പതികളുടെ മകളെയാണ് ചിന്നസ്വാമിയുടെ അമ്മ നാഗമ്മാൾ തലയണ കൊണ്ട് ശ്വാസംമുട്ടിച്ച് കൊന്നത്. മകനും മരുമകൾക്കും മൂന്നാമതും പെൺകുഞ്ഞ് പിറന്നതുകൊണ്ടാണ് മുത്തശ്ശി ക്രൂരകൃത്യം നടത്തിയതെന്ന് പൊലീസ് പറഞ്ഞു.

ഫെബ്രുവരി 10-ാം തീയതിയാണ് ചിന്നസ്വാമി-ശിവപ്രിയ ദമ്പതികൾക്ക് പെൺകുഞ്ഞ് ജനിച്ചത്. ഇവരുടെ മൂന്നാമത്തെ പെൺകുഞ്ഞായിരുന്നു ഇത്. ഫെബ്രുവരി 17ന് അവശ നിലയിൽ കണ്ട കുഞ്ഞിനെ മാതാപിതാക്കൾ ഇസലാംപെട്ടി ആശുപത്രിയിലെത്തിച്ചു. എന്നാൽ ആശുപത്രിയിലെത്തും മുമ്പ് തന്നെ കുട്ടിയുടെ മരണം സംഭവിച്ചിരുന്നു.

കഴിഞ്ഞ ദിവസം പോസ്റ്റുമോർട്ടം റിപ്പോർട്ട് പുറത്തുവന്നതോടെയാണ് മരണം കൊലപാതകമാണെന്ന് തെളിഞ്ഞത്. തുടർന്ന് ദമ്പതിമാരെയും മുത്തശ്ശിയെയും ചോദ്യം ചെയ്തതോടെ സംഭവത്തിന്റെ ചുരുളഴിഞ്ഞു. മൂന്നാമതും പെൺകുഞ്ഞായതിനാൽ ഏഴ് ദിവസം പ്രായമുള്ള കുഞ്ഞിനെ താൻ തലയണ കൊണ്ട് ശ്വാസംമുട്ടിച്ച് കൊലപ്പെടുത്തിയതാണെന്ന് മുത്തശ്ശി നാഗമ്മാൾ പോലീസിനോട് സമ്മതിച്ചു.

ENGLISH SUMMARY: sev­en days old baby girl killed by grand moth­er in madurai

YOU MAY ALSO LIKE THIS VIDEO