കുടിവെള്ളമെന്ന പേരിൽ എത്തിച്ചത് മലിനജലം; ടാങ്കർ ലോറി പിടിച്ചെടുത്തു

കുടിവെള്ളമെന്ന പേരിൽ മലിനജലമെത്തിച്ച ടാങ്കർ ലോറി പിടിച്ചെടുത്തു. സംഭവത്തിന്റെ പശ്ചാത്തലത്തിൽ നഗരത്തിൽ കുടിവെള്ളമെത്തിക്കുന്ന ടാങ്കർ ലോറികൾക്കുള്ള നിബന്ധനകൾ കർശനമാക്കി. തിരുവനന്തപുരം നഗരത്തിലെ ഹോട്ടലുകളിൽ മലിനജലമെത്തിച്ചതിനാണ് നഗരസഭയുടെ ഹെൽത്ത് അധികൃതർ ലോറി പിടികൂടിയത്.

കുടിവെള്ളമെന്ന പേരിൽ മലിനമായ ഇടങ്ങളിൽ നിന്ന് വെള്ളമെടുത്ത് നഗരത്തിൽ വിതരണം ചെയ്യുന്നുണ്ടെന്ന വിവരത്തെ തുടർന്നാണ് ഹെൽത്ത് സ്വകാഡ് മിന്നൽ പരിശോധന നടത്തിയത്. വയലിൽ കുളം കുഴിച്ച് അതിൽ നിന്ന് ശേഖരിച്ച വെള്ളമാണ് നഗരത്തിലെ ചില ഹോട്ടലുകളിലേക്ക് എത്തിച്ചിരുന്നത്.

വെള്ളം മലിനമാണെന്ന് പരിശോധനയിൽ തെളിഞ്ഞു. ഈ മലിനജലം ഉപയോഗിക്കുന്നതായി കണ്ടെത്തിയതിനെ തുടർന്ന് നഗരത്തിലെ ഹോട്ടലിന്റെ പ്രവർത്തനം നഗരസഭ ഇടപെട്ട് താത്കാലികമായി നിർത്തിവച്ചു. സംഭവത്തെ തുടർന്ന് നഗരത്തിൽ കുടിവെള്ളമെത്തിക്കുന്ന ടാങ്കർ ലോറികൾക്ക് ഫെബ്രുവരി ഒന്ന് മുതൽ ലൈസൻസ് നിർബന്ധമാക്കിയിട്ടുണ്ട്.

YOU MAY ALSO LIKE