Web Desk

ന്യൂഡൽഹി

January 31, 2020, 9:09 pm

ഷർജിലിനെ പരസ്യമായി വെടിവെച്ചു കൊല്ലണം; കൊലവിളിയുമായി ബിജെപി എംഎൽഎ

Janayugom Online

ജെഎൻയു വിദ്യാർത്ഥി ഷർജിൽ ഇമാമിനെ വെടിവെച്ചു കൊല്ലാൻ ആഹ്വാനം ചെയ്ത് ബിജെപി എംഎൽഎ. മുസഫർ നഗർ കലാപകേസിലെ പ്രതികൂടിയായ സംഗീത് സോമാണ് കൊലവിളി പ്രസംഗവുമായി രംഗത്തെത്തിയിട്ടുള്ളത്. യുപിയിലെ സർധന നിയോജക മണ്ഡലത്തിലെ എംഎൽഎയാണ് സംഗീത് സോം.

ഷഹീൻ ബാഗിലെ സിഎഎ വിരുദ്ധ പ്രക്ഷോഭത്തിന്റെ സംഘാടകരിലൊരാളായാണ് ഷർജിൽ ഇമാം അറിയപ്പെടുന്നത്. അസമിനെ ഇന്ത്യയിൽ നിന്ന് മാറ്റുമെന്ന തരത്തിലുള്ള പ്രസംഗത്തിന് പിന്നാലെ ഷർജിലിനെ രാജ്യദ്രോഹക്കുറ്റം ചുമത്തി കഴിഞ്ഞദിവസം അറസ്റ്റ് ചെയ്തിരുന്നു. നേരത്തെ കേന്ദ്രമന്ത്രി അനുരാഗ് താക്കൂർ നടത്തിയ രാജ്യദ്രോഹികളെ വെടിവച്ച് കൊല്ലണമെന്ന പ്രസ്താവനയിൽ തെരഞ്ഞെടുപ്പ് കമ്മീഷൻ പ്രചാരണവിലക്ക് അടക്കമുള്ള നടപടികൾ സ്വീകരിച്ചിരുന്നു.

Eng­lish Sum­ma­ry: Shar­jeel must be shot dead in pub­lic says BJP MLA

YOU MAY ALSO LIKE THIS VIDEO