August 12, 2022 Friday

Related news

March 20, 2022
November 19, 2021
June 14, 2021
December 2, 2020
November 28, 2020
October 31, 2020
October 30, 2020
October 26, 2020
October 5, 2020
September 2, 2020

ഷെറിഫ് ആംമ്പര്‍ ലീയ്സ്റ്റ് വാഹനമിടിച്ച് മരിച്ചു 

പി പി ചെറിയാന്‍
ലോസ് ആഞ്ചലസ്
January 17, 2020 8:43 pm

ക്രോസ് വാക്കിലൂടെ നടന്നു വന്നിരുന്ന വൃദ്ധ നിലത്തു വീണതിനെ തുടര്‍ന്ന് കാറില്‍ നിന്നും പുറത്തിറങ്ങി സഹായിക്കാനെത്തിയതായിരുന്ന ഷെറിഫ് ഡിറ്റക്റ്റീവ് ആംമ്പര്‍ ലിയ്സ്റ്റ് (41) വൃദ്ധയെ പിടിച്ചെഴുന്നേല്‍പിച്ച് റോഡ് കടത്തിവിട്ടു മറു ഭാഗത്ത് പാര്‍ക്ക് ചെയ്തിരുന്ന കാറിലേക്ക് നടന്ന് പോകുന്നതിനിടയിലാണ് എതിരെ വന്നിരുന്ന വാഹനം ഇവരെ ഇടിച്ചു വീഴ്ത്തിയത്. ജനുവരി 12 ഞായറാഴ്ച ഉച്ചയോടെയായിരുന്നു സംഭവം.

നിലത്തു വീണ് ഗുരുതരമായി പരിക്കേറ്റ ഷെറീഫിനെ ഉടനെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. ഇടിച്ച വാഹനത്തിന്‍രെ ഡ്രൈവര്‍ വാഹനം നിര്‍ത്തി പോലീസുമായി സഹകരിച്ചു. ഇതൊരു അപകടമായിട്ടാണ് കരുതുന്നതെന്നും, കേസ്സെടുത്തിട്ടില്ലെന്നും, അന്വേഷണം നടത്തുമെന്നും പോലീസ് അറിയിച്ചു.

പന്ത്രണ്ട് വര്‍ഷമായി എല്‍ എ കൗണ്ടി ഷെറിഫ് ഡിപ്പാര്‍ട്ട്‌മെന്റ് ഉദ്യോഗസ്ഥയായിരുന്നു. ഓഫ് ഡ്യൂട്ടിയിലായിട്ടും മറ്റുള്ളവരെ സഹായിക്കുന്നതിന് മുന്നോട്ടുവന്ന ഷെറിഫിന്റെ മരണം സഹപ്രവര്‍ത്തകരെ ദുഃഖത്തിലാഴ്ത്തി. 17 ഉം 20 ഉം വയസ്സുള്ള രണ്ട് ആണ്‍കുട്ടികളുടെ മാതാവാണ് മരണമടഞ്ഞ ആംമ്പര്‍. മൂത്ത മകന്‍ നേവി ഉദ്യോഗസ്ഥനാണ്.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.