Web Desk

മുംബൈ

January 24, 2020, 10:16 am

മുകേഷ് അംബാനിയുടെ വീടിനു കാവൽ നിന്ന സുരക്ഷാ ഉദ്യോഗസ്ഥൻ വെടിയേറ്റു മരിച്ചു

Janayugom Online

റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിയുടെ വീടിനു കാവൽ നിന്ന സുരക്ഷാ ഉദ്യോഗസ്ഥൻ വെടിയേറ്റു മരിച്ചു. സ്വന്തം തോക്കിൽ നിന്നു തന്നെ അബദ്ധത്തിൽ വെടിയേൽക്കുകയായിരുന്നു. ഗുജറാത്തിലെ ജുനഗധ് സ്വദേശി ദേവദാൻ ബക്കോത്ര (31) ആണ് മരിച്ചത്.

ബുധനാഴ്ച രാത്രി ഏഴു മണിയോടെ മുംബൈ പെഡർ റോഡിലുള്ള അംബാനിയുടെ 27 നിലയുള്ള ബംഗ്ലാവിനു പുറത്ത് സിആർപിഎഫിന്റെ സെക്യൂരിറ്റി പോസ്റ്റിൽ ഡ്യൂട്ടിക്കിടെയാണ് ദേവദാന് വെടിയേറ്റത്. ദേവദാൻ കാലിടറി വീണപ്പോൾ അബദ്ധത്തിൽ തോക്കിൽ നിന്ന് വെടിയേൽക്കുകയായിരുന്നു. രണ്ട് വെടിയുണ്ടകൾ ദേവദാന്റെ നെഞ്ചിൽ തുളച്ചുകയറി. ഉടൻ തന്നെ അദ്ദേഹത്തെ ആശുപത്രിയിൽ എത്തിച്ചുവെങ്കിലും രക്ഷിക്കാനായില്ല.

YOU MAY ALSO LIKE THIS VIDEO