September 26, 2022 Monday

Related news

November 12, 2021
September 25, 2021
September 1, 2021
July 11, 2021
June 11, 2021
May 30, 2021
March 2, 2021
January 10, 2021
December 6, 2020
November 11, 2020

മദ്യപാനമല്ല, മാനവികതയാണ് മഹത്തരമെന്ന് തെളിയിക്കുകയാണ് “സമറിട്ടൻ” ഹ്രസ്വചിത്രം

Janayugom Webdesk
ഷാജി ഇടപ്പള്ളി
May 16, 2020 10:32 am

ലോക് ഡൗൺ കാലയളവിൽ മദ്യം ലഭ്യമല്ലാതായപ്പോൾ  മദ്യപാന ശീലമുള്ള ചെറുപ്പക്കാർ അനുഭവിക്കുന്ന മാനസികവിഭ്രാന്തികളും പിന്നെ സാമ്പത്തിക പ്രയാസങ്ങൾക്കിടയിലും വ്യാജ മദ്യം സംഘടിപ്പിക്കുന്നതിനുള്ള നെട്ടോട്ടവും പ്രേക്ഷക മനസുകളെ ചിന്തിപ്പിക്കുന്ന തരത്തിൽ അവതരിപ്പിക്കുകയാണ് “സമറിട്ടൻ” എന്ന ഹ്രസ്വചിത്രം.

സുഹൃത്തിന്റെ പിതാവിന് മരുന്ന് വാങ്ങാൻ പണം നൽകി മദ്യപാനം അവസാനിപ്പിക്കുന്ന ചെറുപ്പക്കാരുടെ തീരുമാനത്തോടെ  മദ്യപാനമല്ല, മാനവികതയാണ് മഹത്തരമെന്ന സന്ദേശം   വെളിപ്പെടുത്തിക്കൊണ്ടാണ് ചിത്രം അവസാനിക്കുന്നത്. പേൾ ഷെൽ മീഡിയയുടെ ബാനറിൽ കെ.വി.സുരേഷ് സംവിധാനം ചെയ്ത “സമറിട്ടൻ” ഷോർട്ട് ഫിലിം സാജു നവോദയ യൂട്യൂബിൽ റിലീസ് ചെയ്തു.  വീക്കെയെസ് ഇലാംപിലാഡ് നിർമ്മിച്ചിരിക്കുന്ന ഈ ചിത്രത്തിന്റെ  ഛായാഗ്രഹണം വിനീത് സി.ടി.യാണ്.

ഷിഫാസ് ഹുസൈൻ  ചിത്രത്തിൻ്റെ സൗണ്ട് എഫെക്റ്റ്സും, ശബ്ദ മിശ്രണവും,പശ്ചാത്തലസംഗീതവും അമൽ കെ.എം  ഛായാഗ്രഹണ സഹായവും നിർവഹിച്ചിരിക്കുന്നു.മിമിക്രിയിലൂടെ ശ്രദ്ധേയനായി  ഒട്ടേറെ സിനിമകളിൽ അഭിനയിച്ചിട്ടുള്ള  സുബിൻ സുകുമാരനാണ് പ്രധാന കഥാപാത്രത്തെ അവതരിപ്പിച്ചിട്ടുള്ളത്. പ്രജീഷ് ഗോപാലകൃഷ്ണൻ, കെ.വി.സുരേഷ്, രാധാ സുകുമാരൻ, ബിനേഷ് സേവ്യർ, വിനീത് സി.ടി യും ഈ ചിത്രത്തിൽ വേഷമിടുന്നുണ്ട്.
ENGLISH SUMMARY:short film about alco­hol addiction

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.