പഞ്ചാബ് പിസിസി അധ്യക്ഷന് നവ്ജോത് സിംഗ് സിദ്ദു രാജി പിന്വലിച്ചു. രാഹുല് ഗാന്ധിയുമായി ഡല്ഹിയില് കൂടിക്കാഴ്ച നടത്തിയിരുന്നു. തന്റെ എല്ലാ പ്രശ്നങ്ങളും രാഹുല് ഗാന്ധിയെ അറിയിച്ചെന്നും പ്രശ്നങ്ങള് പരിഹരിക്കുമെന്ന് അദ്ദേഹം ഉറപ്പുനല്കിയെന്നും കൂടിക്കാഴ്ചയ്ക്കുശേഷം സിദ്ദു പ്രതികരിച്ചു. പഞ്ചാബിന്റെ ചുമതലയുള്ള എഐസിസി ജനറല് സെക്രട്ടറി ഹരീഷ് റാവത്തും രാഹുല് ഗാന്ധിയുടെ വസതിയിലെത്തിയിരുന്നു. സെപ്തംബര് 28നാണ് നവ്ജോത് സിംഗ് സിദ്ദു പിസിസി അധ്യക്ഷ സ്ഥാനത്തുനിന്നൊഴിയുകയാണെന്ന് വ്യക്തമാക്കി രാജിക്കത്ത് നല്കിയിയത്. എന്നാല് രാജി കോണ്ഗ്രസ് ഹൈക്കമാന്ഡ് അംഗീകരിച്ചിരുന്നില്ല. ഒത്തുതീര്പ്പിന് തനിക്ക് സാധിക്കില്ലെന്നും പഞ്ചാബിലെ ജനങ്ങളുടെ ക്ഷേമമാണ് പ്രധാനമെന്നുമായിരുന്നു രാജിക്ക് പിന്നാലെ സിദ്ദു പ്രതികരിച്ചത്. സിദ്ദുവിന്റെ രാജിക്ക് പിന്നാലെ ക്യാബിനറ്റ് മന്ത്രി റസിയ സുല്ത്താനയും പിസിസി ജനറല് സെക്രട്ടറി യോഗിന്ദര് ധിന്ഗ്രയും രാജിവച്ചിരുന്നു. ഡല്ഹിയില് തുടരുന്ന സിദ്ദു വ്യാഴാഴ്ച പാര്ട്ടി ജനറല് സെക്രട്ടറിമാരായ കെ സി വേണുഗോപാലുമായും ഹരീഷ് റാവത്തുമായും കൂടിക്കാഴ്ച നടത്തിയിരുന്നു. സിദ്ദു ഉന്നയിച്ച 18 ആവശ്യങ്ങളില്, ചിലത് ഉടന് പരിഹരിക്കാമെന്നും മറ്റുള്ളവ, സമയോചിതമായി കൈകാര്യം ചെയ്യാമെന്നുമാണ് ഹൈക്കമാന്ഡ് നല്കിയിരിക്കുന്ന ഉറപ്പ്.
English Summary; Navjot Singh Sidhu withdraws resignation
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.