ഒരു വിളി, ഉണർത്തുപാട്ടായ്
ഉയരുന്നു പുലർവേളയെന്നും
പതിവുപോലന്നും പതിയെയൊരുവിളി
മധുരമാം മൊഴിയതു പ്രിയനുണരുവാൻ
അന്നാവിളി തെല്ലൊരച്ചയിലായ്
വിളികേൾക്കാതുറങ്ങൂന്നു പ്രിയനവൻ
നിലവിളിയൊരു സന്ദേശമായി
സന്ദേഹം, മായ്പും കിതപ്പുമായ്
പിന്നെയൊരാൾക്കൂട്ടം
കൈപിടിച്ചാരൊക്കെയോ വൃഥാ
ആശിച്ചുനോക്കി തുടിപ്പുകൾ
ഇനി ഉണരാതുറക്കമായെന്നവർ
പറയാതെ പറയുന്നുമൂകമായി
ദേഹഭാഷകൾതൻ സന്ദേശഭാവങ്ങൾ
രാത്രിയിലെപ്പൊഴോ വേഗമൊരു വേള-
നിലച്ചതത്രേ നിഗൂഡ നിശബ്ദമായ്
ഉള്ളിലൊരുൾക്കിടിലമായി വന്നുതറച്ചു-
രണ്ടാംഗലേയവാക്കുകൾതൻ മിശ്രണമതു
‘സൈലന്റ് അറ്റാക്ക്’
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.