July 2, 2022 Saturday

Latest News

July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022
July 2, 2022

സൈലന്റ് നൈറ്റ് ഹോളി നൈറ്റ് സംഗീത ആവിഷ്കാരം ശ്രദ്ധേയമായി

Janayugom Webdesk
January 9, 2020

ഗാര്‍ലന്റ് (ഡാളസ്): ക്രിസ്തുമസ് ഗാനങ്ങളില്‍ സുപ്രസിദ്ധമായ സൈലന്റ് നൈറ്റ് ഹോളിനൈറ്റിന്റെ സംഗീത നാടക ആവിഷ്കാരം കാണികളുടെ പ്രത്യേക ശ്രദ്ധ പിടിച്ചുപറ്റി. ഡാളസ്സ് ഫോര്‍ട്ട്‌വര്‍ത്ത് മെട്രോപ്ലെക്‌സിലെ പരിചയസമ്പന്നരായ കലാകാരന്മാര്‍ ‘ഭാരതകലയുടെ’ ബാനറില്‍ അണിയിച്ചൊരുക്കിയതായിരുന്നു സൈലന്റ് നൈറ്റ്.

ജനുവരി 4 ന് കേരള അസ്സോസിയേഷന്‍ ഓഫ് ഡാളസ്സ് ക്രിസ്തുമസ് പുതുവത്സരാഘോഷങ്ങളുടെ ഭാഗമായി ഗാര്‍ലന്റ് സെന്റ് തോമസ് കാത്തലിക്ക്
ഓഡിറ്റോറിയത്തില്‍ അവതരിപ്പിച്ച അപൂര്‍വ്വ കലാ പ്രകടനം കാണികളുടെ പ്രശംസ നേടിയെടുത്തത്. ഭരത കലയുടെ അഞ്ചാമത്തെ സ്റ്റേജ് ഷോആയിരുന്നു. അനുഗ്രഹീത കലാകാരന്മാരായ ചാര്‍ലി അങ്ങാടിച്ചേരി, ഹരിദാസ് തങ്കപ്പന്‍, ടോണി വേങ്ങാട് ഷാന്റി വേണാട്ട്, സുബി ഫിലിപ്പ് എന്നിവരായുടെ മുഖ്യ കഥാപാത്രങ്ങള്‍ക്ക് ജീവന്‍ നല്‍കിയത്. ഇവരോടൊപ്പം ഇരുപതോളം കുട്ടികള്‍ കൂടി അണി നിരന്നപ്പോള്‍ സ്‌റ്റേജ് സമ്പന്നമായി.

ഷാലു ഫിലിപ്പ് (ശബ്ദ മിശ്രണം), ജിജി പി സക്കറിയ, ബിജോയ് ഫ്രാന്‍സിസ് (വെളിച്ചം), ഇസദോര്‍ ആന്റ് അനശ്വര്‍ മാംമ്പിള്ളി (രംഗ സംവിധാനം), ജയാസന്‍, ജാസ്മിന്‍, അനുഞ്ച്, ദീപാ, ജോസ് കുര്യന്‍, ക്രിസ് നായര്‍, എയ്ഞ്ചല്‍ ജോണ്‍ എന്നിവരും സ്‌റ്റേജ് ക്രമികരണത്തിന് നേതൃത്വം നല്‍കി. നിരവധി നാടകങ്ങളില്‍ ജീവസ്സുറ്റ കഥാപാത്രങ്ങള്‍ക്ക് ജന്മം നല്‍കിയിട്ടുള്ള ഡാളസ്സ് ഫോര്‍ട്ട് വര്‍ത്തിലെ ഉജ്ജ്വല പ്രതിഭയും, ഗായകനും, ഗാനരചയിതാവും, സാംസ്ക്കാരിക പ്രവര്‍ത്തകനുമായി അനശ്വര്‍ മാംമ്പിള്ളിയാണ് സൈലന്റ് നൈറ്റിന്റെ രചനയും സംവിധാനവും നിര്‍വ്വഹിച്ചത്. ചുരുങ്ങിയ സമയം കൊണ്ട് കലാസ്വാദകരുടെ ഹൃദയം കവര്‍ന്ന ‘ഭരത കല’ അഭിനന്ദനം അര്‍ഹിക്കുന്നു.

Eng­lish sum­ma­ry: Silent night music show

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.