സിംഗപ്പൂർ ഓപ്പൺ സൂപ്പർ സീരിസ് ബാഡ്മിന്റൺ വനിത സിംഗിൾസിൽ ഇന്ത്യയുടെ കിരീട പ്രതീക്ഷയായ പി വി സിന്ധു ഫൈനലിൽ. സെമിയില്‍ ജപ്പാന്റെ സയീന കവകാമിയെ അര മണിക്കൂർ കൊണ്ട് സിന്ധു നിലംപരിശാക്കി. നേരിട്ടുളള സെറ്റുകള്‍ക്കായിരുന്നു വിജയം. സ്കോർ: 21–15, 21–7.
മത്സരത്തിൽ ലോക 38-ാം നമ്പറുകാരി കവകാമിക്കെതിരെ പൂർണ ആധിപത്യം പുലർത്തിയാണ് സിന്ധു അനായാസ വിജയം സ്വന്തമാക്കിയത്. 32 മിനിറ്റ് മാത്രം നീണ്ടു നിന്ന മത്സരത്തില്‍ ഒരിക്കല്‍ പോലും കവകാമിക്ക് മുന്നിലെത്താനായില്ല. സിന്ധുവിന്റെ ആദ്യ സിംഗപ്പൂര്‍ ഓപ്പണ്‍ ഫൈനലാണിത്. 2019ല്‍ സെമി ഫൈനലിലെത്തിയിരുന്നു.
2022ല്‍ ബാഡ്മിന്റണ്‍ 500ലെ കന്നി കിരീടമാണ് ഒരു മത്സരത്തിനപ്പുറം സിന്ധുവിനെ കാത്തിരിക്കുന്നത്. ഫൈനലില്‍ ചൈനയുടെ വാങ് ഷി യോ, ജപ്പാന്റെ അയ ഓഹോരിയോയാ എന്നിവരിലൊരാളാവും സിന്ധുവിന്റെ എതിരാളി. ഇരുവരും ഇതുവരെ സിന്ധുവിനെ പരാജയപ്പെടുത്തിയിട്ടില്ലെന്നത് പ്രതീക്ഷ നല്‍കുന്നതാണ്. നിലവില്‍ ലോകറാങ്കിങ്ങില്‍ ഏഴാം സ്ഥാനത്താണ് സിന്ധു. ക്വാർട്ടർ ഫൈനലിൽ ചൈനയുടെ ഹാൻ യൂവിനെയാണ് സിന്ധു പരാജയപ്പെടുത്തിയത്. ഒളിമ്പിക് വെങ്കല ജേതാവ് സൈന നെഹ്‌വാളും മലയാളി താരം എച്ച് എസ് പ്രണോയിയും ക്വാർട്ടർ ഫൈനലിൽ പുറത്തായിരുന്നു.
English Summary:Sindhu in finals at Singapore Open Super Series Badminton
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.