ബോളിവുഡ് ഗായിക കനിക കപൂറിന് കോവിഡ് 19 വൈറസ് ബാധ സ്ഥിരീകരിച്ചു. അടുത്തിടെ ലണ്ടനിൽ നിന്ന് തിരിച്ചെത്തിയ തനിക്ക് പനിയുടെ ലക്ഷണങ്ങൾ ഉണ്ടായിരുന്നു. ഇതേത്തുടർന്നു നടത്തിയ പരിശോധനയിലാണ് ഫലം പോസിറ്റീവായതെന്നും കനിക ട്വിറ്ററിൽ അറിയിച്ചു. ഞാനും കുടുംബവും പൂർണമായും സമ്പർക്ക വിലക്കിൽ കഴിയുകയാണ്. ഞാനുമായി സമ്പർക്കത്തിൽ വന്നവരുടെ വിവരങ്ങളും ശേഖരിച്ചുകൊണ്ടിരിക്കുകയാണ്. എല്ലാവരും മുൻകരുതലെടുക്കണമെന്നും കനിക പറഞ്ഞു.
അതേസമയം രാജ്യത്ത് വീണ്ടും കൊവിഡ് മരണം സ്ഥിരീകിച്ചു. രാജസ്ഥാനിൽ ചികിത്സയിലായിരുന്ന ഇറ്റാലിയൻ സ്വദേശിയാണ് മരിച്ചത്. ഇതോടെ രാജ്യത്ത് കൊറോണ വൈറസ് ബാധയെ തുടർന്ന് മരിച്ചവരുടെ എണ്ണം അഞ്ചായി. ജയ്പൂരിലെ ഫോര്‍ടിസ് ആശുപത്രിയില്‍ ചികിത്സയിലായിരുന്ന ആന്‍ഡ്രി കാര്‍ളിയാണ് മരിച്ചത്. ഇയാള്‍ ടൂറിസ്റ്റ് വിസയിലാണ് ഇന്ത്യയിലെത്തിയത്.
എന്നാൽ ഇയാൾ രോഗമുക്തി നേടിയിരുന്നെന്നും ഹൃദയാഘാതത്തെ തുടര്‍ന്നാണ് മരിച്ചതെന്നും റിപ്പോര്‍ട്ടുകളുണ്ട്. രാജ്യത്ത് കൊവിഡ് ബാധിതരുടെ എണ്ണം 195 ആയി. ഇതിൽ 163 പേർ ഇന്ത്യൻ പൗരന്മാരും, 32 പേർ വിദേശ പൗരന്മാരുമാണ്. ലോകമാകെ മരണസംഖ്യ 10,000 കടന്നു.
English Summary; singer kanika kapoor tests positive for corona virus
YOU MAY ALSO LIKE THIS VIDEO
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.