ഏഴ് മാസങ്ങൾക്കുശേഷം ജമ്മു കശ്മീരിൽ സമൂഹമാധ്യമങ്ങൾക്കുള്ള നിയന്ത്രണങ്ങൾ പിൻവലിച്ചു

നീണ്ട ഏഴ് മാസങ്ങൾക്കുശേഷം ജമ്മു കശ്മീരിൽ സമൂഹമാധ്യമങ്ങൾക്കുള്ള നിയന്ത്രണങ്ങൾ പിൻവലിച്ചു. ഭരണഘടനയുടെ 370ാം വകുപ്പ് റദ്ദാക്കിയതിനെ തുടർന്ന് സമൂഹമാധ്യമങ്ങൾക്ക് ഏർപ്പെടുത്തിയ നിരോധനമാണ് ജമ്മു കശ്മീർ ഭരണകൂടം പിൻവലിച്ചത്. കശ്മീരിലെ നിലവിലെ സ്ഥിതിഗതികൾ പരിശോധിച്ച ശേഷമാണ് നടപടി. അതേസമയം, 2ജി വേഗതയിലാകും കേന്ദ്ര ഭരണപ്രദേശത്തെ ജനങ്ങൾക്ക് ഇന്റർനെറ്റ് തൽക്കാലം ലഭ്യമാകുക. പ്രീ പെയ്ഡ് ഫോണുകളിൽ ലഭിക്കില്ലെന്നും ഉത്തരവിൽ വ്യക്തമാക്കിയിട്ടുണ്ട്.

ആഗസ്റ്റ് അഞ്ച് മുതലാണ് ജമ്മു കശ്മീരിൽ ഇന്റർനെറ്റ് സംവിധാനം റദ്ദ് ചെയ്തിരുന്നത്. എന്നാൽ ലാൻഡ്​ ലൈൻ, പോസ്റ്റ്​ പെയ്​ഡ്​ മൊബൈൽ സേവനം, സർക്കാർ സ്ഥാപനങ്ങൾ, ആശുപത്രി, ടൂറിസവുമായി ബന്ധപ്പെട്ട മേഖലകളിലും ഇന്റർനെറ്റ്​ ജനുവരി മുതൽ പുനഃസ്ഥാപിച്ചിരുന്നു.

ജമ്മു, സംബ, കത്വ, ഉദ്ദംപൂർ തുടങ്ങിയ ജില്ലകളിലാണ് 2 ജി സംവിധാനം ലഭ്യമാക്കിയിരുന്നത്. ഇന്റർനെറ്റ് സംവിധാനം പുനഃസ്ഥാപിച്ചതോടെ ക്രമസമാധാന പ്രശ്നങ്ങൾ ഉണ്ടാകുമോയെന്ന് വിലയിരുത്തിയ ശേഷമെ മറ്റ് സംവിധാനങ്ങൾ പുനഃസ്ഥാപിക്കുന്ന കാര്യം തീരുമാനിക്കുവെന്ന് നേരത്തെ സർക്കാർ വ്യക്തമാക്കിയിരുന്നു.

Eng­lish Sum­ma­ry; Social media curbs removed in J&K after 7 months

YOU MAY ALSO LIKE THIS VIDEO