Web Desk

December 26, 2019, 11:58 am

വയനാട്ടിൽ സൂര്യൻ കനിഞ്ഞില്ല; നിരാശരായി വയനാട്ടുക്കാർ

Janayugom Online

വയനാട്: വയനാടുകാരുടെ പ്രതീക്ഷയെല്ലാം സൂര്യൻ തെറ്റിച്ചു. വലയ സൂര്യഗ്രഹണം കാണാൻ കാത്തിരുന്ന വയനാടൻ ജനതക്ക് നിരാശയായി ഫലം. അന്തരീക്ഷം മേഘാവൃതമായതിനാല്‍ ആദ്യമണിക്കൂറുകളില്‍ പോലും ആര്‍ക്കും ഗ്രഹണം കാണാന്‍ കഴിഞ്ഞില്ലെന്ന റിപ്പോര്‍ട്ടുകളാണ് പുറത്തു വരുന്നത്. മാനന്തവാടിയിലെ ചില ഇടങ്ങളില്‍ മാത്രമാണ് വലയ ഗ്രഹണം കാണാനായത്. വിപുലമായ ഒരുക്കങ്ങളാണ് വയനാട്ടിൽ സൂര്യഗ്രഹണത്തിനായി സജ്ജീകരിച്ചിരുന്നത്. വിദ്യാർത്ഥികളടക്കം നിരവധി പേരാണ് രാവിലെ തന്നെ സൂര്യഗ്രഹണം കാണാനായി എത്തിയത്. രാവിലെ എട്ടുമണി കഴിഞ്ഞ് നാലു മിനുട്ടായപ്പോള്‍ കാസര്‍കോട് ചെറുവത്തൂരിലാണ് കേരളത്തില്‍ ഗ്രഹണം ആദ്യം ദൃശ്യമായത്.

‘you may also like this video’