Web Desk

February 13, 2020, 11:51 am

സ്പോര്‍ട്സ് അതോറിറ്റി ഓഫ് ഇന്ത്യയില്‍ 341ഒഴിവ്

Janayugom Online

സ്പോർട്സ് അതോറിറ്റി ഓഫ് ഇന്ത്യയിൽ (സായ്) 341 ഒഴിവിലേക്ക് അപേക്ഷ ക്ഷണിച്ചു. സ്പോർട്സ് സയന്റിസ്റ്റ്, സ്പോർട്സ് മെഡിസിൻ, പാരാമെഡിക്കൽ വിഭാഗങ്ങളിൽപ്പെട്ട തസ്തികകളിലാണ് അവസരം. മൊത്തം ഒഴിവുകളിൽ 36 എണ്ണം നഴ്സിങ് അസിസ്റ്റന്റ് തസ്തി കയിലും 36 എണ്ണം ലാബ് ടെക്നീഷ്യൻ തസ്തികയിലുമാണ്. — തിരുവനന്തപുരം, ബെംഗളുരു, ഔ റംഗാബാദ്, ഭോപാൽ, ഗാന്ധിനഗർ, ഗുവാഹാട്ടി, ഇംഫാൽ, ലഖ്നൗ, കൊൽക്കഞ്ഞ, റോഹ്തക്, സോനീപത്, പട്യാല, ബെംഗളൂരു തുടങ്ങിയ കേന്ദ്രങ്ങളിലാണ് അവസരം. ആന്ത്രോപോമെട്രിസ്റ്റ്, എക്സർസൈസ് സൈക്കോളജിസ്റ്റ്, സ്ട്രെങ്ത് ആൻഡ് കണ്ടീഷനിങ് എക്സ്പെർട്ട്, സ്പോർട്സ് മെഡിസിൻ ഡോക്ടർ, സൈക്കോതെറാപിസ്റ്റ്, മേസിയർ/ മേസി യസ്, ഫാർമസിസ്റ്റ്, നഴ്സിങ് അസിസ്റ്റന്റ്, ലാബ് ടെക്നീഷ്യൻ തസ്തികകളിലായി 27 ഒഴിവാണ് തിരുവനന്തപുരത്തുള്ളത്. കരാറടിസ്ഥാനത്തിലാണ് നിയമനം. തുടക്കത്തിൽ രണ്ടു വർഷത്തേക്കാണ് കരാർ. ആവശ്യമെങ്കിൽ പരമാവധി നാലുവർഷത്തേക്കുകൂടി നീട്ടിനൽകും.

യോഗ്യത ഇനി പറയുന്നു: ആന്ത്രാപൊമെട്രിസ്റ്റ് (ഗ്രേഡ് I, II): ഫിസിക്കൽ ആന്ത്രോപ്പോളജി/ ഹ്യൂമൺ ബയോളജിയിൽ മാസ്റ്റേഴ്സ് ബിരുദം. ഗ്രേഡ് II തസ്തികയിലേക്ക് ഒരുവർഷത്ത ഗവേഷണ പ്രവർത്തന (ദേശിയ സംസ്ഥാന അത്‌ലറ്റ്) പരിചയവും വേണം. എക്സർസൈസ് സൈക്കോളജിസ്റ്റ് (ഗ്രേഡ്-III): സൈക്കോളജിയിൽ പിഎച്ച്ഡിയും മൂന്നുവർഷത്തെ പ്രവർത്തന ഗവേഷണ പരിചയവും. എക്സർസൈസ് സൈക്കോളജിസ്റ്റ് (ഗ്രേഡ്-I, II): സൈക്കോളജിയിൽ മാസ്റ്റർ ബിരുദം/ എംഡി, ഗ്രേഡ്-II തസ്തികയിലേക്ക് ഒരുവർഷത്തെ ഗവേഷണ പ്രവർത്തന പരിചയവും വേണം. സ്ട്രെങ്ത് ആൻഡ് കണ്ടീഷനിംഗ് എക്സ്പെർട്ട് (ലീഡ്): സ്ട്രെങ്ത് ആൻഡ് കണ്ടീഷനിങ് സ്പോർട്സ് സയൻസ്/ സ്പോർട്സ് കോച്ചിങ്ങിൽ മാസ്റ്റർ ബിരദം, സിഎസ്‌സിഎസ്./ എ എസ്‌സിഎ ലെവൽ‑2/ യുകെ ഫിറ്റ്നസ് ട്രെയിനർ ലെവൽ‑2, അഞ്ചുവർഷത്തെ ഗവേ ഷണി പ്രവർത്തന പരിചയം. സ്ട്രെങ്ത് ആൻഡ് കണ്ടീഷനിങ് എക്സ്പെർട്ട് (ഗ്രേഡ്-II): സ്ട്രെങ്ത് ആൻഡ് കണ്ടീഷനിങ്, സ്പോർട്സ് സയൻസ് സ്പോർട്സ് കോച്ചിങ്ങിൽ മാസ്റ്റർ ബിരുദം/ എംപിഇഡി, ഒരുവർ ഷത്തെ ഗവേഷണ പ്രവർത്തനപരിചയം. ബയോമെക്കാനിസ്റ്റ് (ലീഡ്): ബയോ മെക്കാനിക്സ്/ സ്പോർട്സ് സയൻസ്/ ബയോഫിസിക്സിൽ പിഎച്ച്. ഡി, അഞ്ചുവർഷത്തെ ഗവേഷണ പ്രവർത്തനപരിചയം. ബയോ മെക്കാനിസ്റ്റ് (ഗ്രേഡ്-II): ബയോ മെക്കാനിക്സ് സ്പോർട്സ് സയൻസ്, ബയോഫിസിക്സ്, ഫിസിക്കൽ എജുക്കേഷനിൽ മാസ്റ്റർ ബിരുദവും ഒരുവർഷത്തെ ഗവേഷണ പ്രവർത്തന പരിചയവും. സൈക്കോളജിസ്റ്റ് (ഗ്രേഡ്-III): ക്ലിനിക്കൽ സൈക്കോളജി/ അപ്ലൈഡ് സൈക്കോളജിയിൽ പിഎച്ച്ഡിയും മൂന്നുവർഷത്തെ ഗവേഷണ പ്രവർത്തനപരിചയവും. സൈക്കോളജിസ്റ്റ് (ഗ്രേഡ്-I, II): ക്ലിനിക്കൽ സൈക്കോളജി/ അപ്ലൈഡ് സൈക്കോളജിയിൽ മാസ്റ്റർ ബിരുദം. ഗ്രേഡ്-II തസ്തികയിലേക്ക് ഒരുവർഷത്തെ ഗവേഷണ പ്രവർത്തനപരിചയ വും വേണം. ബയോകെമിസ്റ്റ് (ഗ്രേഡ്-II): ബയോ കെമിസ്ട്രിയിൽ മാസ്റ്റർ ബിരുദവും ഒരു വർഷത്തെ ഗവേഷണ പ്രവർത്തന പരിചയവും സ്പോർട്സ് മെഡിസിൻ ഡോക്ടർ (ലീഡ്): സ്പോർട്സ് മെഡിസിനിൽ എംസിഐ രജിസ്ട്രേഷനുള്ള പിജി ഡിപ്ലോമ, എംഡി, ഡിപ്ലോമക്കാർക്ക് അഞ്ചുവർഷത്തെയും എം ഡിയുള്ളവർക്ക് രണ്ടുവർഷത്തെയും ഗവേഷണ പ്രവർത്തനപരിചയം വേണം. സ്പോർട്സ് മെഡിസിൻ ഡോക്ടർ (ഗ്രേഡ്-II): സ്പോർട്സ് മെഡിസിനിൽ എംസിഐ രജിസ്ട്രേഷനുള്ള പിജി ഡിപ്ലോമയും ഒരുവർഷത്തെ ഗവേഷണ പ്രവർത്തനപരിചയവും. ഫിസിയോ തെറാപിസ്റ്റ് (ഗ്രേഡ്-I, II): ഫിസിയോതെറാപ്പിയിൽ മാസ്റ്റർ ബിരുദം. ഗ്രേഡ്-II തസ്തികയിലേക്ക് ഒരുവർഷത്തെ ഗവേഷണ പ്രവർത്തനപരിചയം വേണം. മേസിയർ/ മേസിയസ് (ഗ്രേഡ്-II): പ്ലസ്‌ടു വിജയവും അംഗീകൃത സർട്ടിഫിക്കറ്റ് കോഴ്സ്, സ്കിൽ ഡെവലപ്മെന്റ് പ്രോഗ്രാമും രണ്ടുവർഷത്തെ ഗവേഷണ പ്രവർത്തനപരിചയവും. അല്ലെങ്കിൽ പത്താംക്ലാസ് വിജയവും അംഗീകൃത സർട്ടിഫിക്കറ്റ് കോഴ്സ്, സ്കിൽ ഡെവലപ്മെന്റ് പ്രോഗ്രാമും മൂന്നുവർഷത്ത ഗവേഷണ പ്രവർത്തനപരിചയവും. ഫാർമസിസ്റ്റ് (ഗ്രേഡ്-I): ഫാർമസിയിൽ അംഗീകൃത ഡിപ്ലോമയും ഒരുവർഷത്തെ പ്രവർത്തനപരിചയവും. നഴ്സിങ് അസിസ്റ്റന്റ് (ഗ്രേഡ്-I): നഴ്സിങ്ങിൽ അംഗീകൃത ഡിപ്ലോമയും രണ്ടുവർഷത്തെ പ്രവർത്തനപരിചയവും. ലാബ് ടെക്നീഷ്യൻ‑മെഡിക്കൽ ലാബ് (ഗ്രേഡ്-I): മെഡിക്കൽ ലബോറട്ടറിയിൽ അംഗീകൃത ഡിപ്ലോമയും രണ്ടുവർഷത്തെ പ്രവർത്തനപരിചയവും. ലാബ് ടെക്നീഷ്യൻ‑നോൺ മെഡിക്കൽ ലാബ്സ് (ഗ്രേഡ്- II): മെക്കാനിക്കൽ/ ഇലക്ട്രിക്കൽ/ ഇലക്ട്രോണിക്സ് ഇൻസ്ട്രുമെന്റേഷനിൽ അംഗീകൃത ഡിപ്ലോമയും. പ്രായം: ഫാർമസിസ്റ്റ്, നഴ്സിങ് അസിസ്റ്റന്റ്, ലാബ് ടെക്നീഷ്യൻ, മേസിയർ/ മേസിയസ്, ഫിസിയോതെറാപിസ്റ്റ് (ഗ്രേഡ് I), സൈക്കോളജിസ്റ്റ് (ഗ്രേഡ് I), എക്സർസൈസ് സൈക്കോളജിസ്റ്റ് (ഗ്രേഡ് I), — ആന്ത്രാപോമെട്രിസ്റ്റ് (ഗ്രേഡ് I) തസ്തികകളില്‍ 35 വയസും മറ്റ് തസ്തികകളില്‍ 45 വയസുമാണ് ഉയര്‍ന്ന പ്രായപരിധി.

അപേക്ഷ: ഓണ്‍ലൈനായാണ് അപേക്ഷിക്കേണ്ടത്. വിശദവിവരങ്ങള്‍ക്കും അപേക്ഷിക്കുന്നതിനും www.sportsauthorityofindia.nic.in എന്ന വെബ്സൈറ്റ് സന്ദര്‍ശിക്കുക. അവസാന തീയതി ഫെബ്രുവരി 15.

Eng­lish Sum­ma­ry: sports author­i­ty of India vacancy