Web Desk

കൊച്ചി

November 15, 2021, 4:20 pm

കുഫോസിൽ ബുധനാഴ്ച സ്പോട്ട് അഡ്മിഷൻ

Janayugom Online

കേരള ഫിഷറിസ് സമുദ്രപഠന സർവ്വകലാശാലയിൽ (കുഫോസ്) വിവിധ എംഎസ്‌സി കോഴ്സുകളിലും എംബിഎ കോഴ്സിലും എസ്‌സി, എസ്‌ടി, മത്സ്യതൊഴിലാളികളുടെ മക്കൾ എന്നീ വിഭാഗങ്ങൾ ഉൾപ്പടെയുള്ളവർക്കായി സംവരണം ചെയ്തിട്ടുള്ള സീറ്റുകളിലെ ഒഴിവുകൾ നികത്തുന്നതിനായി നവംബർ 17 ന് (ബുധനാഴ്ച) സ്പോട്ട് അഡ്മിഷൻ നടത്തും. 

വിവിധ പിജി കോഴ്സുകളിൽ എൻആർഐ ക്വോട്ടയിൽ ഒഴിവുള്ള സീറ്റുകളിലേക്കും ഇതോടൊപ്പം സ്പോട്ട് അഡ്മിഷൻ നടത്തും. വേക്കൻസി ലിസ്റ്റ് ചൊവ്വാഴ്ച (16 ന്) യൂണിവേഴ്സിറ്റി വെബ് സൈറ്റിൽ പ്രസീദ്ധികരിക്കും. താൽപര്യമുള്ളവർ ബുധനാഴ്ച രാവിലെ 11.30 ന് മുൻപായി എറണാകുളം ജില്ലയിലെ പനങ്ങാട് ഉള്ള കുഫോസ് ആസ്ഥാനത്ത് നേരിട്ട് ഹാജരായി രജിസ്റ്റർ ചെയ്യണം. കുഫോസിൻറെ പ്രവേശന പരീക്ഷ എഴുതാത്തവരേയും സ്പോട്ട് അഡ്മിഷന് പരിഗണിക്കും. കുഫോസ് റാങ്ക് ലിസ്റ്റിൽ ഉൾപ്പെട്ടിട്ടുള്ളവർക്ക് മുൻഗണന ലഭിക്കും. ഫോൺ — 0484 2701085

ENGLISH SUMMARY:Spot admis­sion on Wednes­day at Kufos
You may also like this video