മൊണാക്കോ: മൊണോക്കോ ഡയമണ്ട് ലീഗിൽ മലയാളി താരം എം ശ്രീശങ്കറിന് ലോങ് ജംപില്‍ ആറാം സ്ഥാനം. ശ്രീശങ്കർ 7.94 മീറ്റർ പിന്നിട്ടപ്പോൾ 8.35 മീറ്റർ ചാടിയ ക്യൂബയുടെ മെയ്ക്കൊ മാസോ സ്വർണം നേടി. ഗ്രീസിന്റെ മിൽത്തിയാദിസ് തെന്റഗ്ലൂ (8.31 മീറ്റർ), യുഎസിന്റെ മാർക്വിസ് ഡെൻഡി (8.31 മീറ്റർ) എന്നിവർക്കാണ് വെള്ളിയും വെങ്കലവും. കോമണ്‍വെല്‍ത്ത് ഗെയിംസില്‍ ഇന്ത്യക്ക് വേണ്ടി വെള്ളി മെഡല്‍ നേടിയ ശ്രീശങ്കറിന് മികച്ച പ്രകടനം പുറത്തെടുക്കാനായില്ല.
ശ്രീശങ്കറിന്റെ ആദ്യ ഡയമണ്ട് ലീഗായിരുന്നു ഇത്. ലോക റാങ്കിങ്ങിലെ മുൻനിര താരങ്ങൾ മത്സരിക്കുന്ന ഡയമണ്ട് ലീഗുകളിൽ സ്ഥിരമായി മത്സരിച്ചാൽ മലയാളി താരത്തിന് കൂടുതൽ മികവിലേക്ക് ഉയരാനാകും എന്നതിൽ സംശയമില്ല. ടൂർണമെന്റിൽ മത്സരിച്ച ഏക ഇന്ത്യൻ അത്‍ലീറ്റുമാണ് ശ്രീശങ്കർ. ഈ ഇനത്തിലെ ദേശീയ റെക്കോഡ് ജേതാവ് കൂടിയാണ് ശ്രീശങ്കര്‍.
English Summary: Sreesankar 6th place in Diamond League
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.