Web Desk

December 29, 2019, 10:03 pm

14 ഇന്ത്യന്‍ മത്സ്യത്തൊഴിലാളികളെ ശ്രീലങ്കന്‍ നാവികസേന അറസ്റ്റ് ചെയ്തു

Janayugom Online

കൊളംബോ: 14 ഇന്ത്യന്‍ മത്സ്യത്തൊഴിലാളികളെ ശ്രീലങ്കന്‍ നാവികസേന അറസ്റ്റ് ചെയ്​തു. ഇവരുടെ ​മൂന്ന്​ ബോട്ടുകളും പിടിച്ചെടുത്തു. ജലാതിര്‍ത്തി ലംഘിച്ചതിനാണ് ഇവരെ അറസ്റ്റ് ചെയ്തത്. ശനിയാഴ്​ച ഡെല്‍ഫ്​റ്റ്​ ദ്വീപിന്​ വടക്കു ഭാഗത്തുവെച്ചാണ്​ ഇവരെ അറസ്റ്റ് ​ ചെയ്​തതെന്ന്​ ശ്രീലങ്കന്‍ നാവികസേന അറിയിച്ചു.

അറസ്റ്റിലായവരെ വൈദ്യപരിശോധനയ്ക്കു​ ശേഷം ജാഫ്​ന ഫിഷറീസ്​ അസി. ഡയറക്​ടര്‍ക്ക്​ കൈമാറും. കടലില്‍ പരിശോധന ശക്​തമാക്കിയതിനാല്‍ ഇന്ത്യന്‍ മത്സ്യബന്ധന ബോട്ടുകള്‍ ശ്രീലങ്കന്‍ അതിര്‍ത്തി കടക്കുന്നത്​ കുറഞ്ഞിട്ടുണ്ടെന്ന്​ നാവികസേന പറഞ്ഞു. സമുദ്രാതിര്‍ത്തി ലംഘിക്കുന്നതിനുള്ള പിഴ ഈ വര്‍ഷം ജനുവരി മുതല്‍ 100 ഇരട്ടിയായി വര്‍ധിപ്പിച്ചിരുന്നു.

you may also like this video;