July 2, 2022 Saturday

Latest News

July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022

പകുതിയിലധികം ജീവനക്കാർ പടിയിറങ്ങി: ബിഎസ്എൻഎൽ വൻ പ്രതിസന്ധിയിലേക്ക്

By Janayugom Webdesk
January 31, 2020

പകുതിയിലധികം ജീവനക്കാർ പടിയിറങ്ങിയതോടെ ബിഎസ്എൻഎല്ലിന്റെ പ്രവർത്തനം വൻ പ്രതിസന്ധിയിലേക്ക് നീങ്ങുന്നു. വിവിധ വിഭാഗങ്ങളിൽ ജോലി ചെയ്യുന്ന 79,000 ത്തോളം ജീവനക്കാരാണ് സ്വയം വിരമിക്കൽ പദ്ധതി (വിആർഎസ് ) പ്രകാരം ഇന്നലെ മുതൽ സ്ഥാപനത്തിന്റെ പടിയിറങ്ങിയത്. ഈ വൻ കൊഴിഞ്ഞുപോക്കിന്റെ ഫലമായി 30000‑ത്തോളം എക്സ്ചേഞ്ചുകളിലും ഓഫീസുകളിലും ജീവനക്കാരില്ലാത്ത സ്ഥിതി സംജാതമായിട്ടുണ്ട്. ഇതോടെ കേരളത്തിലെ പതിനായിരക്കണക്കിന് ബ്രോഡ്ബാൻഡ് ഉൾപ്പെടെ ലാൻറ് ലൈനുകളുടെ പ്രവർത്തനം അവതാളത്തിലാകും.

ബിഎസ്എൻഎല്ലിന്റെ ദൈനംദിന സേവനത്തിൽ പങ്കുവഹിച്ചവരും വൈദഗ്ധ്യം നേടിയവരുമായ ഉയർന്ന ഉദ്യോഗസ്ഥരും ജീവനക്കാരും ഉൾപ്പെടെയുള്ളവരാണ് സ്വയം വിരമിച്ചിരിക്കുന്നത്. പ്രതിസന്ധിയുടെ ഫലമായി കൂടുതൽ ഉപയോക്താക്കൾ ബിഎസ്എൻഎല്ലിനെ തഴയുമ്പോൾ അത് ടെലികോം രംഗത്തെ കോർപ്പറേറ്റ് ഭീമന്മാർക്ക് കാര്യങ്ങൾ എളുപ്പമാക്കിത്തീർക്കും.

വിവിധ വിഭാഗങ്ങളിലായി മൊത്തം 1,54,903 ജീവനക്കാരാണ് ബിഎസ്എൻഎല്ലിലുള്ളത്. ഇതിൽ 78,569 പേരാണ് ഇന്നലെ പിരിഞ്ഞത്. ഇതിൽ കേരള സർക്കിളിൽ നിന്നുള്ളവരാണ് കൂടുതൽ ജീവനക്കാർ. പിരിഞ്ഞു പോകുന്നവർക്ക് ആനുകൂല്യമായി നൽകേണ്ടത് 17,000 കോടി രൂപയാണ്.

മാനേജുമെന്റിന്റെ കെടുകാര്യസ്ഥതയുടെ ഫലമായി 2000‑ൽ ബിഎസ്എൻഎല്ലിന് 32 ലക്ഷം ലാന്റ് ഫോൺ കണക്ഷനുണ്ടായിരുന്നത് ഈ വർഷമായപ്പോൾ 17 ലക്ഷമായാണ് കുറഞ്ഞിരിക്കുന്നത്. നഷ്ടം പടിപടിയായി ഉയർന്ന് 30000 കോടിയിലെത്തിയിരിക്കുകയാണ്. സ്വതവേ 4ജി ഇല്ലാത്തതിനാൽ വലയുന്ന ബിഎസ്എൻഎൽ മൊബൈൽ വരിക്കാർക്കും വിവിധ കാരണങ്ങളാൽ തകരാറുകൾ ഏറെ നേരിടുന്ന ലാന്റ് ഫോൺ വരിക്കാർക്കും ഏറെ ആശങ്കയുളവാക്കുന്നതാണ് വലിയ വിഭാഗം ജീവനക്കാരുടെ കൊഴിഞ്ഞുപോക്ക്.

Eng­lish Sum­ma­ry: staffs retire from BSNL

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.