എറണാകുളം ചെല്ലാനത്ത് ശക്തമായ കടൽക്ഷോഭം

എറണാകുളം ജില്ലയുടെ തെക്കൻ തീരങ്ങളിൽ അതിശക്തമായ കടലേറ്റം. ആയിരത്തോളം വീടുകളിൽ വെള്ളം കയറി. ചെല്ലാനം ഗ്രാമപഞ്ചായത്തിലെ ആറ്, ഏഴ്, എട്ട് വാർഡുകളിലാണ് രൂക്ഷമായ കടലേറ്റം ഉണ്ടായത്.

കഴിഞ്ഞ മൂന്ന് ദിവസമായി ഈ ഭാഗങ്ങളിൽ ശക്തമായ വേലിയേറ്റമാണ്. പ്രദേശത്ത് നിന്നും നൂറ് കണക്കിന് കുടുംബങ്ങൾ വീടൊഴിഞ്ഞ് ബന്ധു വീടുകളിലേക്ക് മാറി. ഇന്ന് പുലർച്ചെയും ഈ ഭാഗങ്ങളിൽ കടലേറ്റം രൂക്ഷമായിരുന്നു.

വർഷങ്ങളായി കടലേറ്റം രൂക്ഷമായ പ്രദേശമാണ് എറണാകുളം ചെല്ലാനം. ചെല്ലാനത്തിന് വടക്കുള്ള കണ്ണമാലിയിലാണ് ഇത്തവണ കടലേറ്റം രൂക്ഷമായത്. മുൻകാലങ്ങളിൽ ഈ പ്രദേശത്ത് ഇത്രയും രൂക്ഷമായ കടലേറ്റം ഉണ്ടായിട്ടില്ല.

എന്നാൽ കഴിഞ്ഞ മൂന്ന് വർഷമായി പ്രദേശം ശക്തമായ കടലേറ്റ ഭീതിയിലാണെന്ന് പ്രദേശവാസികള്‍ പറഞ്ഞു.

Eng­lish summary;Strong sea rough­ness near Ernakulam

You may also like this video;