Web Desk

തളിപ്പറമ്പ്

February 04, 2020, 5:15 pm

കണ്ണൂര്‍ മെഡിക്കല്‍ കോളേജില്‍ പ്രവേശിപ്പിച്ച വിദ്യാര്‍ത്ഥിക്ക് കൊറോണ ഇല്ലെന്ന് സ്ഥിരീകരണം

Janayugom Online

കൊറോണ വൈറസ് ബാധയാണെന്ന സംശയത്തെ തുടര്‍ന്ന് കണ്ണൂര്‍ പരിയാരം ഗവ. മെഡിക്കല്‍ കോളേജില്‍ പ്രവേശിപ്പിച്ച മൂന്ന് പേരില്‍ ഒരാള്‍ക്ക് കൊറോണ ഇല്ലെന്ന് സ്ഥിരീകരിച്ചു. പഴയങ്ങാടി സ്വദേശിയായ ചൈനയില്‍ പഠിക്കുന്ന വിദ്യാര്‍ത്ഥിക്കാണ് കൊറോണ ബാധ ഇല്ലെന്ന ഔദ്യോഗിക സ്ഥിരീകരണം വന്നത്.

പൂനെയില്‍ നടത്തിയ രക്ത പരിശോധനയില്‍ ഇക്കാര്യം വ്യക്തമായതായി കണ്ണൂര്‍ ഗവ.മെഡിക്കല്‍ കോളേജ് മെഡിക്കല്‍ സൂപ്രണ്ട് ഡോ.കെ.സുദീപ് വ്യക്തമാക്കി. ഉന്നത നിര്‍ദ്ദേശം ലഭിച്ചാല്‍ ഉടന്‍ ഇയാളെ ഡിസ്ചാര്‍ജ് ചെയ്‌തേക്കും.

കഴിഞ്ഞ 31 ന് വൈകുന്നേരമാണ് ചൈനയില്‍ നിന്നെത്തിയ വിദ്യാര്‍ത്ഥിയെ നിരീക്ഷണത്തില്‍ വെച്ചത്. മറ്റു രണ്ടു പേര്‍ അതീവ സുരക്ഷ ഏര്‍പ്പെടുത്തിയ 803ാം നമ്പര്‍ വാര്‍ഡില്‍ ഇപ്പോഴും നിരീക്ഷണത്തിലാണ്. ഇവരുടെ രക്ത പരിശോധനാ ഫലം കൂടി ലഭിക്കാന്‍ കാത്തിരിക്കുകയാണ് ആശുപത്രി അധികൃതര്‍.

Eng­lish Sum­ma­ry: stu­dent admit­ted to the kan­nur hos­pi­tal has no corona

YOU MAY ALSO LIKE THIS VIDEO