Saturday
23 Feb 2019

സണ്ണിയുടെ നൃത്തപരിപാടിക്കെതിരെ കൂട്ട ആത്മഹത്യാ ഭീഷണി

By: Web Desk | Saturday 16 December 2017 12:08 PM IST


ബംഗളുരു: ബോളിവുഡ്‌ നടി സണ്ണി ലിയോണ്‍ പങ്കെടുക്കുന്ന പുതുവല്‍സരദിന പരിപാടിക്ക്‌ കര്‍ണാടക സര്‍ക്കാര്‍ അനുമതി നിഷേധിച്ചു. പ്രതിഷേധക്കാര്‍ കൂട്ട ആത്മഹത്യാ ഭീഷണി മുഴക്കിയതിനെ തുടര്‍ന്നാണ്‌ നടപടി. പുതുവല്‍സരദിനത്തില്‍ ബംഗളുരുവില്‍ സംഘടിപ്പിച്ചിരുന്ന സണ്ണിയുടെ നൃത്തപരിപാടിക്കാണ്‌ അനുമതി നിഷേധിച്ചത്‌.

എന്നാല്‍ സണ്ണി ലിയോണ്‍ എത്തുന്നതില്‍ പ്രതിഷേധിച്ച്‌ ചില സംഘടനകള്‍ ഇക്കഴിഞ്ഞ ഏഴിന്‌ ബംഗളുരൂവില്‍ മാര്‍ച്ച്‌ നടത്തിയിരുന്നു. താരം കര്‍ണാടകയില്‍ എത്തുന്നത്‌ തടയണമെന്ന്‌ ആവശ്യപ്പെട്ടായിരുന്നു മാര്‍ച്ച്‌.
കര്‍ണാടക രക്ഷണ വേദികെയെന്ന സംഘടന സണ്ണി ലിയോണിന്റെ ചിത്രങ്ങള്‍ കത്തിക്കുകയും ചെയ്‌തു. ഇതിനു പിന്നാലെയാണ്‌ ചില സംഘടനകളിലെ പ്രവര്‍ത്തകര്‍ ആത്മഹത്യാ ഭീഷണി മുഴക്കി രംഗത്തുവന്നത്‌.