സപ്ലൈകോ കിറ്റ് നിറയ്ക്കൽ പൂർത്തിയാകുന്നു

ലോക്ഡൗണിനെ തുടർന്ന് വീട്ടിലിരിക്കുന്നവർക്ക് വിതരണം ചെയ്യാനുള്ള 17 ഇനം അവശ്യവസ്തുക്കളുടെ കിറ്റ് നിറയ്ക്കൽ സിവിൽ സപ്ലൈസ് കോർപറേഷൻ ആസ്ഥാനത്തും 56 ഡിപ്പോകളിലും വിവിധ സൂപ്പർ മാർക്കറ്റുകൾ, മാവേലിസ്റ്റോറുകൾ എന്നിവിടങ്ങളിലും ഊർജിതമായി നടന്നുവരുന്നു. ആളെണ്ണം കുറവാണെങ്കിലും ഉള്ളവർ പരമാവധി സമയം ജോലിയെടുത്താണ് ശ്രമകരമായ ദൗത്യം പൂർത്തിയാക്കാൻ പരിശ്രമിക്കുന്നത്.

അന്ത്യയോജന കാർഡുകാരുൾപ്പടെ പ്രത്യേക പരിഗണന നൽകുന്നവർക്ക് വീടുകളിലും അല്ലാത്തവർക്ക് റേഷൻ കടകൾ വഴിയും കിറ്റ് വിതരണം ചെയ്യും.സൗജന്യറേഷൻ വിതരണത്തിന്റെ തിരക്ക് കുറഞ്ഞതിന് ശേഷമായിരിക്കും കിറ്റുകൾ വിതരണത്തിനെത്തിക്കുക.പഞ്ചസാര,തേയില,ഉപ്പ്,ചെറുപയർ,കടല,വെളിച്ചെണ്ണ,ആട്ട,റവ,മുളകുപൊടി,മല്ലിപ്പൊടി,പരിപ്പ്,മഞ്ഞൾപ്പൊടി,ഉലുവ,കടുക്,സോപ്പ്,സൺഫ്ളവർ ഓയിൽ,ഉഴുന്ന് എന്നിവ ഒരു സഞ്ചിയിൽ ഇട്ടാണ് നൽകുന്നത്.

you may also like this video;