ചീ​റ്റ​പ്പു​ലി​ക​ള്‍​ക്ക് ഇന്ത്യയിൽ അനുമതി നൽകി സുപ്രീം കോടതി. ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍ നി​ന്നു​ള്ള ചീ​റ്റ​പ്പു​ലി​ക​ള്‍​ക്കാണ് സുപ്രീംകോടതി അനുമതി നൽകിയത്. ഇ​ന്ത്യ​യി​ല്‍ വം​ശ​നാ​ശം സം​ഭ​വി​ക്കു​ന്ന ചീ​റ്റ​പ്പു​ലി​ക​ളു​ടെ ഇ​ന​ത്തി​ല്‍ പെ​ട്ട പു​ലി​ക​ളെ പ​രീ​ക്ഷ​ണാ​ടി​സ്ഥാ​ന​ത്തി​ല്‍ രാ​ജ്യ​ത്തേയ്ക്ക് കൊ​ണ്ടു​വ​രാ​നാ​ണ് കോ​ട​തി അ​നു​മ​തി ന​ല്‍​കി​യ​ത്. 2013ല്‍ ​ഏ​ര്‍​പ്പെ​ടു​ത്തി​യ വി​ല​ക്ക് നീ​ക്കി​ക്കൊ​ണ്ടാ​ണ് ചീ​ഫ് ജ​സ്റ്റീ​സ് എ​സ്.​എ. ബോ​ബ്ഡെ അ​ധ്യ​ക്ഷ​നാ​യ ബെഞ്ച് ഉത്തരവ് പുറപ്പെടുവിച്ചത്.

ദേ​ശീ​യ ക​ടു​വ സം​ര​ക്ഷ​ണ അ​തോ​റി​റ്റി​യു​ടെ ആ​വ​ശ്യ പ്ര​കാ​ര​മാ​ണ് പ​ഴ​യ ഉ​ത്ത​ര​വ് കോ​ട​തി നീക്കി​യ​ത്. വ​ന്യ​ജീ​വി വി​ദ​ഗ്ധ​രാ​യ ര​ഞ്ജി​ത് സിം​ഗ്, ധ​ന​ഞ്ജ​യ് മോ​ഹ​ന്‍ എ​ന്നി​വ​രു​ടെ മേ​ല്‍​നോ​ട്ട​ത്തി​ലു​ള്ള സ​മി​തി​യു​ടെ നി​ര്‍​ദേ​ശ​ങ്ങ​ള്‍ അ​നു​സ​രി​ച്ചാ​വ​ണം ചീ​റ്റ​പ്പു​ലി​ക​ളെ ഇന്ത്യയിലേയ്ക്ക് എത്തിക്കുന്നത്. തിരഞ്ഞെടുക്കപ്പെട്ട സ്ഥലങ്ങളിലാണ് പുലികളെ പാർപ്പിക്കേണ്ടത്.

എന്നാൽ ഈ സ്ഥലം പുലികൾക്ക് അനുയോജ്യമല്ലെങ്കിൽ മറ്റൊരു സ്ഥലത്തേയ്ക്ക് മാറ്റണം. ആ​ഫ്രി​ക്ക​യി​ല്‍ ​നി​ന്നു ചീ​റ്റ​പ്പു​ലി​ക​ളെ കൊ​ണ്ടു​വ​രാ​നു​ള്ള വ​നം, പ​രി​സ്ഥി​തി മ​ന്ത്രാ​ല​യ​ത്തി​ന്റെ തീ​രു​മാ​നം 2013ല്‍ ​സു​പ്രീം കോ​ട​തി ത​ട​ഞ്ഞി​രു​ന്നു. ശ​രി​യാ​യ രീ​തി​യി​ല്‍ പ​ഠ​നം ന​ട​ത്തി​യി​ട്ടി​ല്ലെന്ന് ചൂ​ണ്ടി​ക്കാ​ട്ടി​യാ​ണ് കോ​ട​തി അന്ന് ഈ നീക്കം തടഞ്ഞത്. എ​ന്നാ​ല്‍, അ​പൂ​ര്‍​വ ഇ​ന​ത്തി​ലു​ള്ള ഇ​ന്ത്യ​ന്‍ ചീ​റ്റ​ക​ള്‍ രാ​ജ്യ​ത്ത് ഏ​റെ​ക്കു​റെ വം​ശ​നാ​ശം സം​ഭ​വി​ച്ച​താ​യി ചൂ​ണ്ടി​ക്കാ​ട്ടി ദേ​ശീ​യ ക​ടു​വ സം​ര​ക്ഷ​ണ അ​ഥോ​റി​റ്റി വീ​ണ്ടും കോടതിക്ക് അ​പേ​ക്ഷ സ​മ​ര്‍​പ്പി​ക്കു​ക​യാ​യി​രു​ന്നു.

you may also like this video;