Web Desk

ഇംഫാൽ

March 19, 2020, 9:44 pm

കൂറുമാറ്റം: മണിപ്പൂർ എംഎൽഎയെ സുപ്രീംകോടതി പുറത്താക്കി

Janayugom Online

മണിപ്പൂരിൽ കോൺഗ്രസ് സ്ഥാനാർത്ഥിയായി തെരഞ്ഞെടുപ്പിൽ വിജയിച്ച ശേഷം കൂറുമാറി ബിജെപി മന്ത്രിസഭയിൽ ചേർന്ന ടി എച്ച് ശ്യാംകുമാറിനെ സുപ്രീംകോടതി പുറത്താക്കി. വനം മന്ത്രിയായിരുന്ന ടി എച്ച് ശ്യാംകുമാറിനെ ഭരണഘടനയിലെ ആർട്ടിക്കിൾ 142 നൽകുന്ന സവിശേഷ അധികാരം ഉപയോഗിച്ചാണ് നീക്കിയത്. ഇനിയൊരു അറിയിപ്പുണ്ടാകുന്നതു വരെ നിയമസഭയിൽ പ്രവേശിക്കരുതെന്ന് കോടതി ഉത്തരവിട്ടു.

ജസ്റ്റിസ് ആർഎഫ് നരിമാൻ, എസ് രവീന്ദ്ര ഭട്ട് എന്നിവരുടെ ബഞ്ചിന്റേതാണ് നടപടി. 2017ൽ നടന്ന തെരഞ്ഞെടുപ്പിലാണ് ശ്യാംകുമാർ കോൺഗ്രസ് ടിക്കറ്റിൽ മത്സരിച്ച് വിജയിച്ചത്. പിന്നീട് ബിജെപിയിൽ ചേക്കേറിയ ശ്യാംകുമാറിനെ അയോഗ്യനാക്കണമെന്ന് പ്രതിപക്ഷം ആവശ്യപ്പെട്ടിരുന്നുവെങ്കിലും സ്പീക്കർ നടപടിയെടുത്തിരുന്നില്ല. ഈ സാഹചര്യത്തിൽ സവിശേഷാധികാരം പ്രയോഗിക്കാൻ നിർബന്ധിതരായിരിക്കുകയാണെന്ന് വ്യക്തമാക്കിക്കൊണ്ടാണ് കോടതിയുടെ നടപടി. 30ന് കേസിൽ തുടർ വാദം കേൾക്കും.

Eng­lish Sum­ma­ry; Supreme Court dis­miss­es Manipur MLA

YOU MAY ALSO LIKE THIS VIDEO