യോഗി സർക്കാരിന് സുപ്രീം കോടതിയുടെ നോട്ടീസ്

അ​ല​ഹ​ബാ​ദി​ൻറെ പേ​ര് പ്ര​യാ​ഗ്​രാ​ജ് എ​ന്നാ​ക്കി മാ​റ്റി​യ ഉത്തർപ്രദേശിലെ യോ​ഗി ആ​ദി​ത്യ​നാഥ് സ​ർ​ക്കാ​രി​ൻറെ തീ​രു​മാ​ന​ത്തി​നെ​തി​രേ സമർപ്പിക്കപ്പെട്ട ഹ​ർ​ജി​യി​ൽ സ​ർ​ക്കാ​രി​ന് സു​പ്രീംകോ​ട​തി നോട്ടീസ്.

സർക്കാരിൻറെ തീരുമാനത്തിനെതിരെ സ്വ​കാ​ര്യ വ്യ​ക്തി നൽകിയ പൊതു താര്യപര്യ ഹർജിയിലാണ് സുപ്രീം കോടതിയുടെ നടപടി. കേന്ദ്രസർക്കാരിൻറെ നിയന്ത്രണത്തിലുള്ള റെയിൽവേ സ്റ്റേഷനുകൾ, കേന്ദ്ര സർവ്വകലാശാലകൾ എന്നിവയുടെ പേര് മാറ്റാൻ സംസ്ഥാന സർക്കാരിന് അധികാരമില്ലെന്നും ഹർജിയിൽ പറയുന്നു.

മു​ഗ​ൾ രാ​ജാ​വാ​യ അ​ക്ബ​ർ 500 വ​ർ​ഷ​ങ്ങ​ൾ​ക്കു മുൻപ് നൽകിയ തെ​റ്റാ​യ പേ​രാ​ണ് അ​ല​ഹ​ബാ​ദ് എന്നും അ​തി​നു മുൻപ് പ്ര​യാ​ഗ്​രാ​ജ് എ​ന്നാ​യി​രു​ന്നു പേ​രെ​ന്നുമാണ് സർക്കാരിൻറെ വാദം.

സം​സ്ഥാ​ന സ​ർ​ക്കാ​രി​ൻറെ ഈ ​നീ​ക്ക​ത്തി​നെ​തി​രേ പ്ര​തി​പ​ക്ഷ പാ​ർ​ട്ടി​ക​ൾ​ക്കി​ട​യി​ൽ നി​ന്നും ച​രി​ത്ര​പ​ണ്ഡി​തന്മാർ​ക്കി​ട​യി​ൽ നി​ന്നും വ​ൻ പ്ര​തി​ഷേ​ധ​ങ്ങ​ൾ ഉ​യ​രുന്നുണ്ട്. സ​ർ​ക്കാ​ർ ച​രി​ത്ര​ത്തെ വ​ള​ച്ചൊ​ടി​ക്കു​ക​യാ​ണെ​ന്നും, ചരിത്രത്തെ മാറ്റിയെഴുതാനാണ് ബിജെപി ശ്രമിക്കുന്നതെന്നുമാണ് പ്രതിഷേധക്കാരുടെ ആരോപണം.

1575ലാണ് അലഹബാദിന് ഈ പേര് ലഭിച്ചത്. മുഗൾ ചക്രവർത്തി അക്ബർ ഇതിനെ ഇല്ലഹാബാസ് എന്നായിരുന്നു വിളിച്ചിരുന്നത്. ദൈവത്തിൻറെ വാസസ്ഥലം എന്നാണ് ഇത് കൊണ്ട് അർത്ഥമാക്കുന്നത്. അലഹബാദിനെ കൂടാതെ ഫൈസാബാദിൻറെ പേരും സർക്കാർ മാറ്റിയിരുന്നു. അയോധ്യ എന്നായിരുന്നു പേരു മാറ്റിയത്.

അതേസമയം, 500 വർഷങ്ങൾക്ക് മുൻപ് മുഗൾ ചക്രവർത്തിയായ അക്ബർ ചെയ്ത തെറ്റ് തിരുത്താനാണ് ചരിത്ര നഗരമായ അലഹബാദിൻറെ പേര് പ്രയാഗ്രാജ് എന്ന് മാറ്റിയത് എന്നായിരുന്നു ഉത്തർപ്രദേശ് സർക്കാരിൻറെ നടപടിയെ ന്യായീകരിച്ച് ബിജെപിയുടെ വാദം.